1649569952 pic

ஐபிஎல் 15ஆவது சீசனின் துவக்க போட்டிகள், சிஎஸ்கேவுக்கு சிறப்பானதாக அமையவில்லை.முதல் போட்டியில் கொல்கத்தாவை எதிர்கொண்டு 6 விக்கெட்கள் வித்தியாசத்தில் சிஎஸ்கே தோற்ற நிலையில், அடுத்தடுத்த போட்டிகளில் லக்னோ, பஞ்சாப், சன் ரைசர்ஸ் ஹைதராபாத் அணிகளுக்கு எதிராக தொடர் தோல்வியை சந்தித்துள்ளது.

இந்த தோல்விகளுக்கு முக்கிய காரணமாக பார்க்கப்படுவது ஓபனர் ருதுராஜ் கெய்க்வாட் சொதப்பல், தீபக் சஹார் இல்லாதது, பௌலர்கள் சொதப்பல்கள்தான். இதையனைத்தையும் சரிசெய்தால் மட்டுமே சிஎஸ்கே மீண்டும் கம்பேக் கொடுக்க முடியும் எனக் கருதப்படுகிறது. அதேபோல் புதுக் கேப்டன் ரவீந்திர ஜடேஜா தனது கேப்டன்ஸி அழுத்தங்களை, சிறப்பான முறையில் எதிர்கொண்டு மீண்டும் அதிரடி காட்ட ஆரம்பித்துவிட்டால், சிஎஸ்கே மீண்டும் அபாரமாக விளையாடி வெற்றிகளை குவிக்கும் என கிரிக்கெட் விமர்சகர்கள் கருதுகிறார்கள்.

ஜடேஜாவுக்கு அழுத்தம்:

சிஎஸ்கே கேப்டன் பதவியிலிருந்து தோனி விலகிய பிறகு, ஜடேஜாவுக்கு அந்த பொறுப்பு கொடுக்கப்பட்டது. இருப்பினும், களத்தில் தோனிதான் கேப்டன் போல் செயல்பட்டு வருகிறார். இது அணிக்கு நன்மையான விஷயம்தான்.

ஆனாலும், ஜடேஜாவுக்கு மனவுறுதி குறைய வாய்ப்புள்ளது. ஏற்கனவே, முதல் நான்கு போட்டிகளிலும் ஜடேஜா இதே நிலையில்தான் காணப்பட்டார். இனியும் தோனி நிழல் கேப்டனாக செயல்பட்டால், அது ஜடேஜாவின் ஆட்டத்தை மேலும் பாதிக்க வாய்ப்புள்ளது. இதனால், இனி வரும் போட்டிகளில் முழு பொறுப்பையும் ஜடேஜாவிடம் வழங்க தோனி முடிவு செய்துள்ளாராம். இதுகுறித்து அணி மீட்டிங்கில் தோனி வெளிப்படையாக தெரிவித்துள்ளார். மேலும், ஜடேஜாவுக்கு ஆலோசனை தேவைப்பட்டால் நிச்சயம் நான் வழங்குவேன் எனவும் கூறியிருக்கிறார்.

இதற்கு சிஎஸ்கே நிர்வாகிகளும் எவ்வித ஆட்சோபனையும் தெரிவிக்கவில்லையாம். தோனி எம்முடிவு எடுத்தாலும், அது சிறந்ததாகத்தான் இருக்கும் என்பதில் நிர்வாகம் உறுதியாக இருக்கிறது.

சென்னை சூப்பர் கிங்ஸ் அணி தனது அடுத்த லீக் போட்டியில் ராயல் சேலஞ்சர்ஸ் பெங்களூர் அணியை எதிர்கொண்டு விளையாட உள்ளது. இப்போட்டி வரும் 12ஆம் தேதி நடைபெறவுள்ளது என்பது குறிப்பிடத்தக்கது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.