1649474502 pic

ஐபிஎல் 15ஆவது சீசனின் 17ஆவது லீக் போட்டியில் சென்னை சூப்பர் கிங்ஸ், சன் ரைசர்ஸ் ஹைதராபாத் அணிகள் மோதவுள்ளன.

சிஎஸ்கே:

சென்னை சூப்பர் கிங்ஸ் அணி கடந்த மூன்று போட்டிகளிலும் படுமோசமாக சொதப்பி ஹாட்ரிக் தோல்வியை சந்தித்து, புள்ளிப்பட்டியலில் எட்டாவது இடத்தில் நீடிக்கிறது. இன்றைய போட்டியில் வெற்றிபெறவில்லை என்றால் பிளே ஆஃப் வாய்ப்பில் பலத்த அடி விழும் என கருதப்படுகிறது. இதனால், தவறுகளை சரிசெய்துகொண்டு அதிரடியாக செயல்பட வேண்டிய கட்டாயத்தில் இருக்கிறார்கள்.

கடந்த சில போட்டிகளில் சொதப்பிய ருதுராஜ், முகேஷ் சௌத்ரி, ரவீந்திர ஜடேஜா போன்றவர்களுக்கு தனிக்கவனத்துடன் பயிற்சியளிக்கப்பட்டிருப்பதால், இன்று இவர்கள் சிறப்பாக செயல்பட வாய்ப்புள்ளது. அதேபோல், தோனி ஹெலிகாப்டர் ஷாட் ஆட பிரத்தியேக பயிற்சி மேற்கொண்டிருப்பதால், இன்று நடராஜனுக்கு எதிராக ஹெலிகாப்டர் ஷாட் ஆடுவார் என எதிர்பார்க்கப்படுகிறது.சன் ரைசர்ஸ்:

சன் ரைசர்ஸ் ஹைதராபாத் அணி, கடந்த சீசனில் எப்படி சொதப்பியதோ, அதேபோல் சொதப்பி புள்ளிப்பட்டியலில் கடைசி இடத்தில் இருக்கிறது. இன்றைய போட்டியில் தோற்றால் ஹாட்ரிக் தோல்வியாக அமைந்துவிடும். அந்த அணியில் ஓபனர்கள் வில்லியம்சன், அபிஷேக் ஷர்மா இருவரும் சிறந்த துவக்கம் தர தடுமாறுகிறார்கள். இதனால், அடுத்து களமிறங்கும் திரிபாதி, பூரன், மார்க்கம் ஆகியோருக்கு அழுத்தம் ஏற்படுகிறது. ஓபனர்களை மாற்றினால் இந்த பிரச்சினை தீரலாம்.

வாஷிங்டன் சுந்தர் பவர்பிளவில் அபாரமாக பந்துவீசுவதால், சிஎஸ்கே துவக்கத்திலேயே விக்கெட்களை இழக்க வாய்ப்புள்ளது. அதேபோல் நடராஜன், புவனேஷ்வர் குமார் ஆகியோர் டெத் ஓவர்களில் மாஸ் காட்டுவார்கள் என எதிர்பார்க்கப்படுகிறது. உம்ரான் மாலிக் அதிவேகத்தில் பந்துவீசினாலும், ஸ்லாட்டில் அதிக பந்துகளை போடுவதால், ரன்கள் கசிகிறது. அதனை இன்றைய போட்டியில் சரி செய்வாரா என்பதை பொறுத்திருந்து பார்ப்போம்.

பிட்ச் ரிப்போர்ட்:

போட்டி நடைபெறவுள்ள படேல் ஸ்போர்ட்ஸ் அகடமி ஸ்டேடியத்தில் பந்துவீச்சாளர்கள்தான் ஆதிக்கம் செலுத்துவார்கள் என கணிக்கப்பட்டுள்ளது. டாஸ் வெல்லும் அணி வழக்கம்போல் பந்துவீச்சைத்தான் தேர்வு செய்யும் எனக் கருதப்படுகிறது.

உத்தேச XI:

சிஎஸ்கே: ருதுராஜ் கெய்க்வாட், ராபின் உத்தப்பா, மொயின் அலி, அம்பத்தி ராயுடு, ரவீந்திர ஜடேஜா, ஷிவம் துபே, மகேந்திரசிங் தோனி, டுவைன் பிராவோ, டுவைன் பிரிடோரியஸ், கிறிஸ் ஜோர்டன், முகேஷ் சௌத்ரி / ராஜ்வர்தன் ஹர்கர்கேகர்,

சன் ரைசர்ஸ்: அபிஷேக் ஷர்மா, கேன் வில்லியம்சன், ராகுல் திரிபாதி, எய்டன் மார்க்கரம், நிகோலஸ் பூரன், வாஷிங்டன் சுந்தர், அப்துல் சமத், ரொமாரியோ செய்பர்ட், புவனேஷ்வர் குமார், உம்ரான் மாலிக்.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.