1649163074 pic

ஐபிஎல் தொடங்கியது முதல் 14ஆவது சீசன்வரை சென்னை சூப்பர் கிங்ஸ் அணிக்கு கேப்ட்டனாக இருந்த மகேந்திரசிங் தோனி, திடீரென்று 15ஆவது சீசன் துவங்குவதற்கு முன்பு கேப்டன் பதவியிலிருந்து விலகினார். இதனைத் தொடர்ந்து ரவீந்திர ஜடேஜாவுக்கு அப்பதவி வழங்கப்பட்டுள்ளது.இதனால், ஜடேஜா தலைமையில் சிஎஸ்கே எப்படி செயல்படப் போகிறது என்ற எதிர்பார்ப்பு இருந்தது. இந்நிலையில் சிஎஸ்கே முதல் இரண்டு போட்டிகளிலும் கொல்கத்தா, லக்னோ அணிகளிடம் தோற்று, சொதப்பியது. சிஎஸ்கே முதல் இரண்டு போட்டிகளிலும் தோற்பது இதுதான் முதல்முறை. அடுத்து பஞ்சாப் கிங்ஸ் அணிக்கு எதிரான போட்டியிலாவது சிஎஸ்கே சிறப்பாக செயல்பட்டு வெற்றிபெறுமா என எதிர்பார்க்கப்பட்ட நிலையில், அப்போட்டியிலும் படுமோசமாக தோற்றுள்ளது.

இனி வரும் போட்டிகளிலும் தொடர் தோல்விகளை சந்தித்தால் பிளே ஆஃப் வாய்ப்பு கேள்விக்குறியாகிவிடும் என்பதால், வெற்றிகளை குவிக்க மகேந்திரசிங் தோனி மூன்று முக்கிய முடிவுகளை எடுத்துள்ளதாக தகவல் வெளியாகியுள்ளது.

ருதுராஜுக்கு தனிக்கவனம்:

சென்னை சூப்பர் கிங்ஸ் அணியின் நட்சத்திர துவக்க வீரர் ருதுராஜ் கெய்க்வாட், கடந்த சீசனில் அதிக ரன்களை குவித்த வீரராக இருந்தார். இருப்பினும், 15ஆவது சீசனின் முதல் மூன்று போட்டிகளில் 0,1,1 போன்ற சொற்ப ரன்களை மட்டுமே சேர்த்துள்ளார். இவரது பங்களிப்பு அணிக்கு முக்கியம் என்பதால், இவருக்கென்று தனிக்கவனம் செலுத்த உள்ளதாகவும், தோனிக்கு கீழ் நேரடி பயிற்சிகளை பெறவுள்ளதாகவும் தகவல் வெளியாகியுள்ளது. மேலும், அடுத்த போட்டியிலும் சொதப்பினாலும், அணியில் இடம் கிடைக்காது என தோனி அதிரடியாக தெரிவித்துள்ளதாகவும் தகவல் வெளியாகியுள்ளது.

2 பேர் நீக்கம்:

ஆடம் மில்னே காயம் காரணமாக அவதிப்பட்டு வரும் நிலையில் துஷர் தேஷ்பண்டே, முகேஷ் சௌத்ரி ஆகியோருக்கு அணியில் வாய்ப்பு கொடுக்கப்பட்டு வருகிறது. இருவரும் படுமோசமாக சொதப்பி வருகிறார்கள். இதனால், இனியும் இவர்களை நம்பியிருக்காமல் இளம் ஆல்-ரவுண்டர் ராஜ்வர்தன் ஹர்கர்கேகருக்கு வாய்ப்பளிக்க தோனி திட்டமிட்டுள்ளாராம்.

கேப்டன் பொறுப்பு:

தோனி கேப்டன் பதவியிலிருந்து விலகிய நிலையிலும், அவர்தான் தொடர்ந்து கேப்டன்ஸி செய்து வருகிறார். அவ்வபோதுதான் ஜடேஜா கேப்டனாக செயல்பட்டு வருகிறார். இதனால் ஜடேஜாவின் மன உறுதி பாதிக்கப்படுவதாக தகவல் வெளியாகியிருந்தது. இதனால், இனி தான் ஒரு வீரராக மட்டுமே அணியில் நீடிப்பேன் என தோனி உறுதியாக தெரிவித்துள்ளார். அணி மீட்டிங்கில் இந்த முக்கிய முடிவுகள்தான் எடுக்கப்பட்டுள்ளது.

சென்னை சூப்பர் கிங்ஸ் அணி தனது அடுத்த லீக் போட்டியில் சன் ரைசர்ஸ் ஹைதராபாத் அணியை எதிர்த்து விளையாட உள்ளது. போட்டி ஏப்ரல் 9ஆம் தேதி நடைபெறும் என்பது குறிப்பிடத்தக்கது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.