1649302310 pic

ஐபிஎல் 15ஆவது சீசனின் 14ஆவது லீக் போட்டியில் மும்பை இந்தியன்ஸ், கொல்கத்தா நைட் ரைடர்ஸ் அணிகள் மோதின. இதில் டாஸ் வென்ற கொல்கத்தா அணி முதலில் பந்துவீச்சைத் தேர்வு செய்தது. முதலில் களமிறங்கிய மும்பை அணியில் சூர்யகுமார் யாதவ் 52 (36), திலக் வர்மா 38 (27), பொல்லார்ட் 22 (5) ஆகியோர் சிறப்பாக விளையாடியதால், அந்த அணி 20 ஓவர்கள் முடிவில் 161/4 ரன்களை சேர்த்து அசத்தியது. இதனைத் தொடர்ந்து களமிறங்கிய கொல்கத்தா அணியில் வெங்கடேஷ் ஐயர் 50 (41), பாட் கம்மின்ஸ் 56 (15) ஆகியோர் சிறப்பாக விளையாடியதால் கொல்கத்தா அணி 16 ஓவர்கள் முடிவில் 161/5 ரன்களை சேர்த்து அசத்தியது.

இந்நிலையில், மும்பை இந்தியன்ஸ் தோல்விக்கு முக்கிய காரணமாக அமைந்த 3 விஷயங்கள் குறித்து தற்போது பார்க்கலாம்.

ஓபனர்கள் சொதப்பல்:

முதலில் களமிறங்கிய மும்பை இந்தியன்ஸ் அணியில் ஓபனர்கள் ரோஹித் ஷர்மா 12 பந்துகளில் 3 ரன்களும், இஷான் கிஷன் 21 பந்துகளல் 14 ரன்களும் எடுத்தனர். இப்படி படுமோசமாக சொதப்பியதால் பவர் பிளேவில் 35 ரன்கள் மட்டுமே சேர்க்க முடிந்தது. துவக்கதிலேயே பேட்ஸ்மேன்களுக்கு அழுத்தங்கள் ஏற்பட்டதால், கொல்கத்தா பௌலர்கள் நெருக்கடியில்லாமல் பந்துவீச ஆரம்பித்தனர். ரோஹித், இஷான் இருவரில் ஒருவர் அதிரடி காட்டியிருந்தாலும், ஆட்டம் வேற மாதிரி சென்றிருக்கும்.

மில்ஸ் திட்டம்:

கொல்கத்தா அணி 13 ஓவர்கள் முடிவில் 101/4 ரன்கள் எடுத்திருந்தபோது 14ஆவது ஓவரின் முதல் பந்தில் ரஸலை 11 (5) மில்ஸ் வெளியேற்றினார். ரஸலுக்கு ஷார்ட் பால் ஆகாது எனத் தெரிந்து, ஷார்ட் பால்வீசி வீழ்த்தினார். இதனைத் தொடர்ந்து கம்மின்ஸுக்கும் ஷார்ட் பால் வீசி அந்த ஓவரில் 14 ரன்களை விட்டுக்கொடுத்தார். பொதுவாக ஆஸி வீரர்கள் ஷார்ட் பால்களை அபாரமாக எதிர்கொள்வார்கள். மில்ஸ் ஷார்ட் பால் வீசி, கம்மின்ஸுக்கு மன உறுதியை அதிகப்படுத்தியது மாபெரும் தவறாக மாறியது.

35 ரன்கள்:

16ஆவது ஓவரை வீசிய டேனியல் சாம்ஸ், கம்மின்ஸுக்கு தொடர்ந்து யார்க்கரை வீச முயற்சி செய்து வந்தார். ஆனால், முதல் இரண்டு பந்துகளும் லோ புல்டாஸாக சென்றது. அதில் 10 ரன்கள் கிடைத்தது. இதனால், அடுத்து டாட் பால்களை வீச வேண்டும் என்ற எண்ணத்தில் பந்துவீசிய சாம்ஸ், லைனில் சிறு தவறை செய்தார். இதனை சாதகமாக பயன்படுத்தி கம்மின்ஸ் 2 சிக்ஸர்களை பறக்கவிட்டார். தொடர்ந்து மீண்டும் யார்க்கரை வீச முற்பட்டு, நோ-பால் புல் டாஸை வீசினார். இப்படி பதற்றதுடன் பந்துவீசி அந்த ஓவரில் மட்டும் (6,4,6,6,N2,4,6) 35 ரன்களை வாரி வழங்கினார். தோல்விக்கு இந்த ஓவர்தான் முக்கிய காரணமாக அமைந்துவிட்டது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.