1649078595 pic

ஜஸ்பிரித் பும்ரா, ஹர்திக் பாண்டியா போன்ற பல முகம் தெரியாத வீரர்களை இந்திய அணிக்கு அறிமுகப்படுத்திய பெருமை மும்பை இந்தியன்ஸ் அணிக்கு உள்ளது. அப்படி இருக்கும் பட்டியலில், புதிதாக சேர்ந்துள்ளவர் தான் 19 வயதேயான திலக் வர்மா.மும்பை இந்தியன்ஸ் அணி, இந்த ஐபிஎல் சீசனில், நடந்து முடிந்த இரண்டு போட்டிகளிலும் தோல்வியை தான் தழுவியது. இருந்தாலும் அவர்களுக்கு கிடைத்த நேர்மறையான ஒரு விஷயம் திலக் வர்மா. முதல் போட்டியில் 22 ரன்களும், இரண்டாவது போட்டியில் அதிரடியாக 5 சிக்சர்கள், 3 பவுண்டரிகள் என 61 ரன்களை எடுத்தார். மும்பை அணியில், சூரியகுமார் யாதவ் போன்ற முக்கிய மிடில் ஆர்டர் பேட்ஸ்மேன் இல்லாத நிலையில் இவர் அவருக்கு கொடுக்கப்பட்ட வேலையை சிறப்பாக செய்து தனக்கான திறமையை வெளிப்படுத்தியுள்ளார்.

நடந்த ஐபிஎல் மெகா ஏலத்தில், 1.7 கோடி ரூபாய்க்கு மும்பை இந்தியன்ஸ் இவரை ஏலத்தில் எடுத்தது. 2020 யில் நடந்து முடிந்த 19 வயதுக்கு உட்பட்டவர்களுக்கான T20 உலக கோப்பை அணியில் திலக் வர்மா சேர்க்கப்பட்டார். அதில் அவர் பெரிதாக தனது ஆட்டத்தை நிரூபிக்க முடியவில்லை. ஆனால் உள்ளூர் போட்டிகளில் அவர் சிறப்பாக விளையாடியதன் காரணமாக, மும்பை இந்தியன்ஸ் அவரை ஏலத்தில் எடுத்தது.

செலவுக்கு பணம்:

சமீபத்தில் கொடுத்த பேட்டியில் அவர், “நான் பெரிய பொருளாதார நிலை கொண்ட குடும்பத்தில் இருந்து வரவில்லை. எனது தந்தை தான் அவரது சிறிய வருமானத்தை வைத்து எனக்கான கிரிக்கெட் செலவுகளையும், என் அண்ணனின் கல்விச்செலவுகளையும் கவனித்து வந்தார். கடந்த சில ஆண்டுகளாக, எனக்கு கிரிக்கெட்டிலிருந்து கிடைக்கும் பணத்தையும் ஸ்பொன்சர்கள் மூலம் கிடைக்கும் பணத்தையும் வைத்து தான் எனது கிரிக்கெட் செலவுகளை கவனித்து வருகிறேன். இந்த ஐபிஎல் பணம் எனது வாழ்நாள் முழுவதும் நான் இலவசமாக விளையாடும் வாய்ப்பை அளிக்கிறது” என கூறினார்

வீடு வாங்க வேண்டும்:

மேலும் தொடர்ந்த அவர், “நாங்கள் இன்னும் வாடகை வீட்டில் தான் உள்ளோம். எனக்கு இந்த ஐபிஎல் மூலம் கிடைக்கும் பணத்தை வைத்து, எனது பெற்றோர்களுக்கு ஒரு சொந்த வீட்டை வாங்கி கொடுக்க வேண்டும்” என தெரிவித்தார். மேலும் அவரை ஏலத்தில் அணிகள் விலை கேட்ட பொழுது, அவரின் குடும்பத்தினரின் எப்படி உணர்ச்சிவசப்பட்டனர் என்பதை பகிர்ந்து கொண்டார்.

நெகிழ்ச்சி சம்பவம்:

அவர் கூறியதாவது, “ஐபிஎல் ஏலம் நடந்து கொண்டிருந்த அன்று, எனது பயிற்சியாளருடன் நான் வீடியோ காலில் இருந்தேன். ஏலங்கள் அதிகமாக செல்லும் போது எனது பயிற்சியாளர் கண்ணீர் விட தொடங்கினார். நான் தேர்ந்தெடுக்கப்பட்ட பிறகு, நான் என் பெற்றோரை அழைத்தேன். அவர்களும் அதை கேட்டு போனிலேயே அழத் தொடங்கினர். என் அம்மா சொல்ல வார்த்தைகள் இன்று தவித்தார்” என உருக்கமாக பகிர்ந்து கொண்டார்.

அவர் விளையாடிய இந்த இரண்டு போட்டிகளையும் சேர்த்து பார்த்தால் அவர் 173 ஸ்ட்ரைக் ரேட்டில் விளையாடியுள்ளார் என்பது குறிப்பிடத்தக்கது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.