1648895301 pic

இந்திய அணியின் முன்னாள் வேக பந்துவீச்சாளரும், தற்போதைய மும்பை இந்தியன்ஸ் அணியின் கிரிக்கெட் இயக்குநருமான ஜாகீர் கான், மும்பை அணி வழக்கமாகவே மெதுவாக தொடங்கக்கூடியவர்கள் தான் என்று தெரிவித்துள்ளார். மும்பை அணி கடந்த மார்ச் 27 ஆம் தேதி நடந்த போட்டியில், டெல்லி கேபிடல்ஸ் அணியிடம் 4 விக்கெட் வித்தியாசத்தில் தோல்வியை தழுவியது.

ஜாகீர் கான் பேட்டி:

இதை பற்றி இன்றைய ராஜஸ்தான் ராயல்ஸ் போட்டிக்கு முன் நடந்த செய்தியாளர் சந்திப்பில் ஜாகீர் கான் கூறியதாவது, “எப்போதும் ஒரு தொடரின் முதல் ஆட்டம் கணிக்க முடியாதவையாக தான் இருக்கும். நாங்கள் எடுக்கக்கூடிய வீரர்களை பற்றி நிறைய ஆக்கப்பூர்வமான விஷயங்களை பேசி தான் அணியில் சேர்ப்போம். எப்போதும் முதல் போட்டியில் நாங்கள் எப்படி செயல்படுகிறோம் என்பதை ரசிகர்கள் பார்த்துக்கொண்டு தான் இருக்கிறார்கள். மும்பை அணி வழக்கமாகவே மெதுவாக தொடங்கக்கூடியவர்கள் தான்” என தெரிவித்தார்.

மேலும், “ஐபிஎல் போன்ற நீண்ட போட்டித் தொடரில் அணியின் மனநிலையை புத்துணர்ச்சியுடன் வைத்திருப்பது முக்கியம். இதை நான் மிக ஆரம்ப நாட்கள் என்று தான் கூறுவேன். எங்கள் அணியும் அப்படி தான் பார்க்கிறது. அணியில் உள்ள ஒவ்வொருவரும் தங்களின் வேலையை திறம்பட செய்கிறார்கள். அவர்கள் எடுக்கும் பயிற்சியும், காட்டும் தீவிரமும், சிறப்பாக உள்ளது. நாங்கள் முதல் வெற்றியை எதிர்நோக்கி காத்துக்கொண்டு இருக்கிறோம்” என் தெரிவித்தார்.

சூரியகுமார் யாதவை பற்றிய கேள்விக்கு, “நான் முன்பே கூறியது போல், அவர் பயிற்சி செய்து வருகிறார், அதனால் நாங்கள் அனைவரும் ஆவலுடன் காத்திருக்கிறோம், அடுத்த ஆட்டத்திற்கு அவர் நிச்சயம் இருப்பார்” என பதிலளித்தார். இருப்பினும், சூர்யகுமாரின் பெயர் இடம்பெறவில்லை.

பிப்ரவரியில் கொல்கத்தாவில் மேற்கிந்தியத் தீவுகளுக்கு எதிரான மூன்றாவது மற்றும் கடைசி டி20 போட்டியில் பீல்டிங் செய்யும் போது சூர்யகுமாருக்கு எலும்பு முறிவு ஏற்பட்டு பெங்களூரில் உள்ள தேசிய கிரிக்கெட் அகாடமியில் (NCA) சிகிச்சை பெற்று வந்தார். டெல்லி கேப்பிட்டல்ஸ்க்கு எதிரான தொடக்க ஆட்டத்தை அவர் தவறவிட்டார். கொல்கத்தாவில் மேற்கிந்தியத் தீவுகளுக்கு எதிரான மூன்றாவது மற்றும் கடைசி டி20 போட்டியில் பீல்டிங் செய்யும் போது சூர்யகுமாருக்கு எலும்பு முறிவு ஏற்பட்டு பெங்களூரில் உள்ள தேசிய கிரிக்கெட் அகாடமியில் (NCA) சிகிச்சை பெற்று வந்தார். டெல்லி கேப்பிட்டல்ஸ்க்கு எதிரான தொடக்க ஆட்டத்தை அவர் தவறவிட்டார் என்பது குறிப்பிடத்தக்கது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.