1648418853 pic

ஐபிஎல் 15ஆவது சீசன் இரண்டாவது லீக் போட்டியில் மும்பை இந்தியன்ஸ், டெல்லி கேபிடல்ஸ் அணிகள் மோதின. இதில் டாஸ் வென்ற டெல்லி அணி முதலில் பந்துவீச்சைத் தேர்வு செய்தது.மும்பை இன்னிங்ஸ்:

முதலில் களமிறங்கிய மும்பை இந்தியன்ஸ் அணியில் ஓபனர்கள் ரோஹித் ஷர்மா, இஷான் கிஷன் ஆகியோர் சிறப்பான துவக்கம் தந்தனர். இதனால், ஸ்கோர் உயர்வில் துவக்கம் முதலே விறுவிறுப்பு இருந்தது. இருவரும் சிறப்பாக ஆட வேண்டிய கட்டாயத்தில்தான் இருந்தார்கள். காரணம், அடுத்தடுத்த இடத்தில் களமிறங்கும் அன்மோல்பிரித் சிங், திலக் வர்மா போன்றவர்கள் புதியவர்கள் என்பதால், ஓபனர்களை நம்பித்தான் அணி இருந்தது.

அடுத்த சிஎஸ்கே?

கடந்த சீசனில் சென்னை சூப்பர் கிங்ஸ் அணியும் இப்படி ஓபனர்களை மட்டுமே நம்பியிருந்தது. இரண்டு ஓபனர்களும் ஆட்டமிழந்துவிட்டால், கிட்டதட்ட தோல்விதான். இதேநிலைமைதான் தற்போது மும்பை அணியிலும் நீடித்து வருகிறது. இரண்டு ஓபனர்களில் ஒருவர் கடைசிவரை நிலைத்து விளையாடியே ஆக வேண்டும் என்ற நிலை இருக்கிறது.

அடுத்தடுத்து விக்கெட்:

இந்நிலையில், டெல்லிக்கு எதிரான முதல் லீக் போட்டியில் ரோஹித் ஷர்மா 41 (32) ரன்கள் எடுத்து ஆட்டமிழந்தார். இதனைத் தொடர்ந்து அன்மோல்பிரீத் சிங்கும் 8 (9) குல்தீப் யாதவ் பந்துவீச்சில் நடையைக் கட்டினார். தொடர்ந்து அதிரடி காட்ட முயன்ற திலக் வர்மா 22 (15) ரன்கள் சேர்த்த நிலையில் கலீல் அகமது பந்துவீச்சில் அவுட் ஆனார்.

இப்படி ரோஹித் ஆட்டமிழந்ததும் மும்பை அணி அடுத்தடுத்து விக்கெட்களை இழந்து தடுமாறியது. அந்த சமயத்தில் கெய்ரன் பொல்லார்ட் 3 (6) பெரிய ஸ்கோர் அடிக்காமல் குல்தீப் பந்துவீச்சில் அவுட் ஆனதால், மும்பை இந்தியன்ஸ் அணிக்கு நெருக்கடி அதிகமானது.

இதனைத் தொடர்ந்து ஓபனர் இஷான் கிஷன், டிம் டேவிட் இருவரும் பார்ட்னர்ஷிப் அமைத்து விளையாட துவங்கினார்கள். அந்த சமயத்தில் டேவிட் 12 (8) ரன்கள் மட்டும் எடுத்து ஆட்டமிழந்தார். இருப்பினும், இஷான் 81 (48) மறுமுனையில் அபாராக விளையாடி ரன்களை சேர்த்தார். இறுதியில் 20 ஓவர்கள் முடிவில் 177/5 ரன்களை சேர்த்தது.

டெல்லி இன்னிங்ஸ்:

இலக்கை துரத்திக் களமிறங்கிய டெல்லி அணியில் பிரித்வி ஷா 38 (24), செய்பர்ட் 21 (14) ஓரளவுக்கு சிறந்த துவக்கம் தந்தார்கள். அடுத்து மந்தீப் சிங் 0 (2), ரிஷப் பந்த் 1 (2), ரௌமன் பௌல் 0 (2) ஆகியோர் அடுத்தடுத்து ஆட்டமிழந்ததால், மும்பை இந்தியன்ஸ் அணிக்கு வெற்றி வாய்ப்பு பிரகாசமாக இருந்தது. இந்நிலையில் ஷர்தூல் தாகூர் 11 பந்துகளில் 22 ரன்கள் அடித்து, ஆட்டத்திற்குள் டெல்லியை கொண்டு வந்தார்.

அடுத்து லலித் யாதவ் 48 (38), அக்சர் படேல் 38 (17) ஆகியோர் அபாரமாக விளையாடியதால், டெல்லி அணி 18.2 ஓவர்களில் 179/6 ரன்கள் சேர்த்து, 4 விக்கெட்கள் வித்தியாசத்தில் அபார வெற்றியைப் பெற்றது.
இதன்மூலம், மும்பை இந்தியன்ஸ் அணி தொடர்ந்து 10ஆவது சீசனில், முதல் போட்டியில் தோற்றுள்ளது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.