1648789095 pic

விராட் கோலி கேப்டன் பதவியிலிருந்து விலகிய பிறகு, இந்தியாவின் மூன்று வடிவ கரிக்கெட் அணிக்கும் ரோஹித் ஷர்மா கேப்டனாக நியமிக்கப்பட்டுள்ளார். இவர் கேப்டனாக பொறுப்பேற்ற பிறகு அனைத்து வீரர்களுக்கும் சுழற்சி முறையில் வாய்ப்பினை வழங்கி, அசத்தி வருகிறார். இதனால் நீண்ட காலம் அணியில் இடம் கிடைக்காமல் இருந்து வந்த குல்தீப் யாதவ் போன்றவர்கள் மீண்டும் அணியில் இடம் பிடித்து வருகின்றனர். இளம் வீரர்கள் பலரும் சுழற்றி முறையில் வாய்ப்பினை பெற்று வருகின்றனர். இருப்பினும் சில மூத்த வீரர்கள் அணியிலிருந்து ஓரம் கட்டப்பட்டு வருவது விமர்சனங்களை பெற்று வருகிறது. ரோஹித் டெஸ்ட் அணிக் கேப்டனாக பொறுப்பேற்ற பிறகு அஜிங்கிய ரஹானே, சேத்தேஸ்வர் புஜாரா ஆகியோர் இலங்கை டெஸ்ட் தொடரிலிருந்து நீக்கப்பட்டனர்.

மாற்று வீரர்கள் தயார்:

இவர்களுக்கு அடுத்தடுத்த தொடர்களில் வாய்ப்பு கிடைக்கும் என ரோஹித் ஷர்மா தெரிவித்திருந்தாலும், அவர்கள் அடுத்த ஒரு போட்டிகளில் சொதப்பினால் உடனே நீக்கப்பட்டு ஹனுமா விஹாரி, ஷ்ரேயாஸ் ஐயர் ஆகியோர் அந்த இடத்தில் களமிறக்கப்படுவார்கள் என கிரிக்கெட் விமர்சகர்கள் கருதுகிறார்கள்.

இப்படி தொடர்ந்து அணிக்கு சிறப்பான பங்களிப்பை வழங்கியவர்களுக்கே இந்த நிலைமை என்றால், அவ்வப்போது டெஸ்ட் அணியில் இடம் பிடித்து வரும் மூத்த வீரர்களின் நிலைமை சொல்லித்தான் தெரிய வேண்டுமா? அவர்களில் ஒருவர்தான் ஓபனர் முரளி விஜய்.

கடுமையான போட்டி:

தமிழகத்தைச் சேர்ந்த இவர், டெஸ்ட் அணியில் இடம்பெற்று வந்த நிலையில், பார்ம் சரியில்லை எனக் கூறி ஓரம்கட்டப்பட்டார். இவரது இடத்திற்கு மயங்க் அகர்வால், கே.எல்.ராகுல், ஷுப்மன் கில் ஆகிய ஓபனர்கள் போட்டி போட்டு வந்தனர். இந்நிலையில், ரோஹித் ஷர்மாவும் முதலில் மிடில் வரிசையில் களமிறங்கிய நிலையில் தற்போது ஓபனராக களமிறங்கி வருகிறார். மேலும், கேப்டனாக நியமிக்கப்பட்டுள்ளதால் ஓபனருக்கான ஒரு இடம் நிரந்தமாகியுள்ளது. மற்றொரு இடத்திற்குத்தான் மயங்க் அகர்வால், ஷுப்மன் கில், கே.எல்.ராகுல் ஆகியோருக்கு இடையில் போட்டி நிலவி வருகிறது.

இதனால், முரளி விஜய் மீண்டும் அணியில் இடம் பிடிக்க முடியாத நிலை உருவாகியுள்ளது. மேலும், ரஞ்சிக் கோப்பைக்கான தமிழக அணியிலிருந்து அவர் நீக்கப்பட்டுள்ளதால் விரைவில் கிரிக்கெட்டிலிருந்து ஓய்வை அறிவித்து விடுவார் எனக் கருதப்படுகிறது.

பிறந்த நாள்:

இந்நிலையில் முரளி விஜய் இன்று தனது 38ஆவது பிறந்த நாளை கொண்டாடுகிறார். வயதும் அதிகமாகிவிட்டதால், இனி போட்டிகளில் பங்கேற்பது கடினம்தான்.

இவர் மொத்தம் 61 டெஸ்ட்களில் பங்கேற்று 38.3 சராசரியுடன் 3982 ரன்களை குவித்துள்ளார். அதேபோல் 17 ஒருநாள் போட்டிகளில் 339 ரன்களும், 9 டி20 போட்டிகளில் 169 ரன்களும் சேர்த்துள்ளார் என்பது குறிப்பிடத்தக்கது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.