1648594828 pic

இந்திய அணி இடது கை வேகப்பந்து வீச்சாளர் நடராஜனுக்கு, ஐபிஎல் 13ஆவது சீசன்தான் பொற்காலம். புவனேஸ்வர் குமார் காயத்தால் அவதிப்பட்டதால், நடராஜனுக்கு வாய்ப்பு கிடைத்தது.யார்க்கர், ஸ்லோ பால் என அனைத்து பந்துகளையும் கலந்துவீசி ஒருசில போட்டிகளிலேயே, பல முன்னணி பேட்ஸ்மேன்களையும் திணறடித்தார். குறிப்பாக, டிவிலியர்ஸை கிளின் போல்ட் ஆக்கி, இந்திய அணி தேர்வாளர்களின் கவனத்தை ஈர்த்தார். இதனைத் தொடர்ந்து ஆஸ்திரேலியா சென்ற இந்திய டி20 அணியின் நெட் பௌலராக நடராஜனுக்கு வாய்ப்பு கிடைத்தது. தனக்கு பெண் குழந்தை பிறந்ததைக்கூட நேரில் சென்று பார்க்காமல், அமீரகத்தால் இருந்தே ஆஸ்திரேலியா பறந்தார்.

ஜாக்பாட்:

ஆஸ்திரேலியாவில் நடராஜனுக்கு மிகப்பெரிய ஜாக்பாட் அடித்தது. இதுவரை எந்த ஒரு இந்திய கிரிக்கெட்டருக்கும் அப்படியொரு வாய்ப்பு கிடைத்ததில்லை. ஆம், வீரர்கள் அடுத்தடுத்து காயத்தால் அவதிப்பட்டதால், மூன்று வடிவ கிரிக்கெட்டிலும் அறிமுக வீரராக களமிறக்கப்பட்டார். மூன்றிலும் மிகப்பெரிய தாக்கத்தையும் ஏற்படுத்தி, வெற்றிகளுக்கு முக்கிய காரணமாக இருந்தார்.

திடீர் பின்னடைவு:

இதனால், இனி நடராஜனுக்கு நிரந்தர இடம் கிடைக்கும் என்றுதான் எதிர்பார்க்கப்பட்டது. ஆனால், எதிர்பாராக விதமாக திடீரென்று காயத்தால் அவதிப்பட்டார். இதனால், 14ஆவது சீசனில் சரிவர பங்கேற்க முடியவில்லை. காலில் அறுவை சிகிச்சையும் செய்யப்பட்டது. இதனைத் தொடர்ந்து வீட்டில் தங்கி ஓய்வெடுத்து வந்த நடராஜன், மெல்ல பயிற்சியை ஆரம்பித்தார். இதனால் சையத் முஷ்டாக் அலி, விஜய் ஹசாரே டிராபி தொடரில் நடராஜனுக்கு வாய்ப்பு வழங்கப்பட்டது.

உள்ளூர் தொடர்களில்:

இதில் நடராஜன் சிறப்பாக செயல்பட்டால் மட்டுமே, மீண்டும் இந்திய அணியில் இடம் பிடிக்க முடியும் எனக் கருதப்பட்டது. ஆனால், நடராஜனால் பெரிய தாக்கத்தை ஏற்படுத்த முடியவில்லை. ஓவருக்கு சராசரியாக 10 ரன்கள் வரை விட்டுக்கொடுத்தார். இதனால் ரஞ்சிக் கோப்பைக்கான தமிழக அணியிலிருந்தும் நீக்கப்பட்டார்.

இப்படி பல சறுக்கல்களை அடுத்தடுத்து சந்தித்த நடராஜனை, 4 கோடி கொடுத்து சன் ரைசர்ஸ் ஹைதராபாத் அணி வாங்கியுள்ளது. தற்போது முழு பிட்னஸுடன் இருப்பதால், தான் யார் என்பதை நிரூபித்தாக வேண்டிய கட்டாயத்தில் இருக்கிறார். இதில் சிறப்பாக செயல்பட்டால் மட்டுமே, டி20 உலகக் கோப்பை அணியில் இடம் பிடிக்க வாய்ப்பு கிடைக்கும். இதனால், இன்றைய முதல் போட்டியில் நடராஜன் மீது மிகுந்த எதிர்பார்ப்பு உருவாகியுள்ளது.

நடராஜன் மொத்தம் 24 ஐபிஎல் போட்டிகளில் பங்கேற்று 20 விக்கெட்களை வீழ்த்தியுள்ளார் என்பது குறிப்பிடத்தக்கது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.