1649272939 pic

ஐபிஎல் 15ஆவது சீசனின் இன்றைய லீக் போட்டியில் மும்பை இந்தியன்ஸ், கொல்கத்தா நைட் ரைடர்ஸ் அணிகள் மோதின. இதில் டாஸ் வென்ற கொல்கத்தா அணி முதலில் பந்துவீச்சைத் தேர்வு செய்தது.மும்பை இன்னிங்ஸ்:

முதலில் களமிறங்கிய மும்பை இந்தியன்ஸ் அணியில் ஓபனர்கள் ரோஹித் ஷர்மா, இஷான் கிஷன் இருவரும் மிகவும் நிதானமாக துவக்கத்தை தந்தனர். இதனால் முதல் 2 ஓவர்களில் 4 ரன்கள் மட்டுமே சேர்ந்தது. அடுத்து 3ஆவது ஓவரை வீச வந்த உமேஷ் யாதவை அடித்து நொருக்க வேண்டிய கட்டாயத்தில் இஷான் கிஷன், ரோஹித் ஷர்மா ஆகியோர் இருந்தனர். அந்த சமயத்தில் ரோஹித்துக்கு பிடித்த ஷார்ட் பாலை உமேஷ் வீச, பந்து டாப் எட்ஜ் ஆகி கீப்பர் கைக்கு சென்றது. இதனால் ரோஹித் 12 பந்துகளில் 3 ரன்கள் எடுத்து நடையைக் கட்டினார்.

அடுத்து நடுக்கத்துடன் விளையாடி வந்த 14 கோடி வீரர் இஷான் கிஷன் 14 (21) ரன்கள் மட்டும் எடுத்து பாட் கம்மின்ஸ் பந்துவீச்சில் ஆட்டமிழந்தார். கம்மின்ஸுக்கு எதிராக இஷான் இதற்குமுன் 3 போட்டிகளில் 2 முறை ஆட்டமிழந்திருந்தார். இதனால் கம்மின்ஸிக்கு எதிராக பயத்துடனேயே விளையாடி இஷான் ஆட்டமிழந்தார். அடுத்து, குட்டி டிவிலியர்ஸ் டிவோல்ட் பிரேவிஸ் ஓரளவுக்கு தாக்குப்பிடித்து 19 பநுகளில் 29 ரன்க்ள சேர்த்து, வருண் சக்ரவர்த்தி பந்துவீச்சில் நடையைக் கட்டினார்.

அடுத்து சூர்யகுமார் யாதவ், திலக் வர்மா இருவரும் சிறப்பாக விளையாடி ரன்களை சேர்க்க ஆரம்பித்தனர். இறுதியில் சூர்யகுமார் யாதவ் 36 பந்துகளில் 52 ரன்கள் எடுத்து ஆட்டமிழந்த நிலையில் இறுதியில் பொல்லார்ட் கம்மின்ஸ் பந்துவீச்சில் 5 பந்துகளில் 22 ன்களை குவித்து அசத்தினார். இதனால், மும்பை இந்தியன்ஸ் அணி 20 ஓவர்கள் முடிவில் 161/4 ரன்களை குவித்தது. திலக் வர்மா 38 (27) கடைசிவரை களத்தில் இருந்தார்.

கொல்கத்தா இன்னிங்ஸ்:

இலக்கை துரத்திக் களமிறங்கிய கொல்கத்தா அணியில் அஜிங்கிய ரஹானே 7 (11), ஷ்ரேயஸ் ஐயர் 10 (6), சாம் பில்லிங்ஸ் 17 (12), ராணா 8 (7), ரஸல் 11 (5) போன்றவர்கள் அடுத்தடுத்து ஆட்டமிழந்து ஷாக் கொடுத்தனர். இதனால், ஆட்டம் மும்பை அணிக்கு சாதகமாக மாறியது.

காட்டடி:

இந்நிலையில் வெங்கடேஷ் ஐயர், பாட் கம்மின்ஸ் இருவரும் பெரிய பார்ட்னர்ஷிப் அமைத்து, பந்துகளை பவுண்டரிக்கு பறக்கவிட்டனர். கடைசி 5 ஓவர்களில் 47 ரன்கள் தேவைப்பட்டபோது, பும்ராவின் 15ஆவது ஓவரில் 12 ரன்களும், டேனியல் சாம்ஸின் 16ஆவது ஓவரில் 35 ரன்களும் கசிந்தது. சாம்ஸ் ஓவரில் கம்மின்ஸ் 6 சிக்ஸர்களும், ஒரு பவுண்டரியையும் பறக்கவிட்டார். நோ-பாலில் இரண்டு ரன்கள் எடுக்கப்பட்டது. இதனால் இந்த ஓவரிலேயே, அதாவது 16 ஓவர் முடிவிலேயே கொல்கத்தா அணி 162/5 ரன்கள் சேர்த்து, 5 விக்கெட்கள் வித்தியாசத்தில் அபார வெற்றியைப் பெற்றது.

கம்மின்ஸ் 15 பந்துகளில் 6 சிக்ஸர், 4 பவுண்டரி உட்பட 56 ரன்களை சேர்த்து அசத்தினார். அதேபோல், வெங்கடேஷ் ஐயரும் 50 (41) ரன்கள் எடுத்து களத்தில் இருந்தார் என்பது குறிப்பிடத்தக்கது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.