1648869676 pic

கடந்த ஆண்டில் டெல்லி கேபிடல்ஸ் அணிக்காக விளையாடி வந்த காகிசோ ரபாடா, இம்முறை பஞ்சாப் கிங்ஸ் அணியில் இணைந்துள்ளார்.துல்லியமான லெந்த், சூழ்நிலைக்கு ஏற்றவாறு பந்துவீசி அபாரமாக செயல்படக் கூடியவர்தான் ரபாடா. இதனால், இவர் மீது முதல் போட்டியிலேயே பெரும் எதிர்பார்ப்பு இருந்தது. இருப்பினும், அவரால் கலந்துகொள்ள முடியவில்லை.

தென்னாப்பிரிக்கா, வங்கதேசம் இடையிலான ஒருநாள் தொடரில் பங்கேற்று விளையாடி வந்தார். இதனைத் தொடர்ந்து இந்தியா வந்து குவார்ண்டையில் இருந்த ரபாடா தற்போது, இரண்டாவது போட்டியில் கொல்கத்தா நைட் ரைடர்ஸ் அணிக்கு எதிராக களமிறங்கி விளையாடினார்.

முதலில் பேட்டிங் செய்யும்போது ரபாடா 16 பந்துகளில் 4 பவுண்டரி, ஒரு சிக்ஸர் உட்பட 25 ரன்களை குவித்து அசத்தினார். இதனால், பந்துவீச்சிலும் அதிரடியாக செயல்படுவார் என எதிர்பார்க்கப்பட்ட நிலையில், அதேபோல் சிறப்பாகத்தான் செயல்பட்டார். மொத்தம் 3 ஓவர்களை வீசி 23 ரன்களை மட்டும் விட்டுக்கொடுத்து ஓபனர் அஜிங்கிய ரஹானே விக்கெட்டை வீழ்த்தி அசத்தினார்.

விக்கெட்கள்:

ரபாடா பொதுவாக டெஸ்ட் மேட்ச் லெந்தில் பந்துவீசி விக்கெட்களை வீழ்த்த கூடியவர். அந்த லெந்தில் அதிக மாறுதல்கள் இருக்காது. இருப்பினும், ஐபிஎலில் அப்படியே தலைகீழாக மாறியுள்ளார். ஐபிஎலில் இதுவரை 51 போட்டிகளில் 77 விக்கெட்களை வீழ்த்தியிருக்கும் இவர், இதில் பாதிக்கும் மேற்பட்ட விக்கெட்களை ஷார்ட் பால் மூலம்தான் எடுத்துள்ளார். அடுத்து 35 சதவீத விக்கெட்களை லெந்த் பால்களிலும், சில விக்கெட்களை ஸ்லாட்டில் வீசியது மூலம் எடுத்துள்ளார்.

பெரிய பிரச்சினை:

இருப்பினும், யார்க்கர் மூலம் இவர் ஒரு விக்கெட்டை வீழ்த்தவில்லை என்பதுதான் இங்கு கவனிக்க கூடிய ஒரு விஷயம். டி20 கிரிக்கெட்டில் யார்க்கர்தான் மிகவும் முக்கியமான ஒன்று. ஆனால், ரபாடா அதில் விக்கெட்டை எடுக்க திணறுவது நிச்சயம் பெரிய பிரச்சினைதான். ரன்களை கட்டுப்படுத்த வேண்டும் என்ற நிலை வரும்போது யார்க்கர்தான் மிகவும் முக்கியம். அதில் ஒரு விக்கெட்டை கூட எடுக்காததால், இக்கட்டான நிலையின்போது யார்க்கர் வீசும்போது பதற்றம் அதிகரித்து, அது புல்டாஸ் பாலாக செல்லவும் வாய்ப்பிருப்பதாக கிரிக்கெட் விமர்சகர்கள் கருதுகிறார்கள்.

இதனால், ரபாடா அடுத்தடுத்த போட்டிகளின்போது யார்க்கர் வீசுவது நிச்சயம் கவனிக்க கூடிய விஷயமாக இருக்கும். பஞ்சாப் அணி தனது அடுத்த லீக் போட்டியில் சென்னை சூப்பர் கிங்ஸ் அணியை எதிர்த்து விளையாடவுள்ளது என்பது குறிப்பிடத்தக்கது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.