Close Menu
    Facebook X (Twitter) Instagram
    FH Edits
    • Tools
      • Dare Quiz
      • Free QR Code Generator
    • News
      • English
        • Cinema
        • Trends
        • Sports
      • Tamil
        • Cinema
        • Sports
        • Trends
    • Blog
    • Jokes & Memes
    • NCS Music
    • How To
    • Privacy Policy
    Facebook X (Twitter) Instagram
    FH Edits
    T Sports

    rahul dravid: திராவிட் வந்தப் பிறகு…அணியில் சேர்ந்த இளம் வீரர்: ரவி சாஸ்திரியின் தவறை திருத்த தானா? – reason behind why shreyas iyer added in team india s test squad regularly

    makeflow.mks@gmail.comBy [email protected]22/12/2021No Comments2 Mins Read

    ரவி சாஸ்திரி பயிற்சியாளராக இருந்த கால கட்டத்தில், இந்திய அணி டெஸ்டில் பல சாதனைகளை படைத்தது. 2018ஆம் ஆண்டில் தென்னாப்பிரிக்கா சென்று மூன்று போட்டிகள் கொண்ட டெஸ்ட் தொடரில் பங்கேற்ற இந்திய அணி முதல் இரண்டு போட்டிகளில் மரண அடி வாங்கி, ஜோகன்ஸ்பர்க்கில் நடைபெற்ற மூன்றாவது போட்டியில் அபார வெற்றியைப் பெற்று அசத்தியது.அதன்பிறகு அதே வலிமையோடு, ஆஸ்திரேலிய சுற்றுப் பயணத்தில் பங்கேற்று தொடரை கைப்பற்றி, ஆஸி மண்ணில் டெஸ்ட் தொடரை கைப்பற்றிய முதல் ஆசிய அணி என்ற வரலாற்றுச் சாதனையைப் படைத்தது. அடுத்து இந்திய அணியின் தொடர்ந்து அதிகரிக்கத்தான் செய்தது. இப்படி இருந்தும் ரவி சாஸ்திரி ஒரு உலகக் கோப்பையை கூட வென்று கொடுக்கவில்லை. கடந்த டி20 உலகக் கோப்பையோடு சாஸ்திரி விடைபெற்றார்.

    நடுவரிசை:

    இவரது காலகட்டத்தில் இந்திய அணி, உலகக் கோப்பையை வெல்லாததற்கு முக்கிய காரணமாக சில விஷயங்கள் பார்க்கப்படுகிறது. அதில் முதன்மையானது நடுவரிசை பலமின்மை. ஓபனர்கள் அடுத்தடுத்து ஆட்டமிழந்துவிட்டால், அடுத்துக் களமிறங்கும் வீரர்களும், நெருக்கடியில் வந்த உடனே ஆட்டமிழந்து விடுகிறார்கள். மேலும், அப்படி சொதப்பும் நடுவரிசை வீரர்களுக்கு தொடர்ந்து வாய்ப்புகள் வழங்கப்பட்டுதான் வந்தது.

    ‘முடியவே முடியாது’…அடம்பிடிக்கும் ஹார்திக் பாண்டியா: கடுப்பில் பிசிசிஐ நிர்வாகிகள்..அப்படி என்னதான் பிரச்சினை?

    ரோஹித் பேட்டி:

    இந்திய ஒருநாள் அணிக்கு கேப்டனாக பதவியேற்றுள்ள ரோஹித் ஷர்மா கூட இதுகுறித்துதான் முதல் பத்திரிகையாளர் சந்திப்பில் பேசினார். “10, 12 ரன்களுக்கு 3 விக்கெட்களை இழந்துவிட்டால், அணிக்கு தோல்வி உறுதி என்ற நிலை இருக்கிறது. இதனை மாற்ற விரும்புகிறேன். நடுவரிசையில் பலமிக்க வீரர்களை கொண்டு வருவதுதான் திட்டம்” எனக் கூறியிருந்தார். ஒருநாள், டி20 அணியில் மட்டுமல்ல. டெஸ்டிலும் இதே நிலைதான் இருக்கிறது. கடந்தாண்டு ஆஸ்திரேலிய மண்ணில் முதல் டெஸ்டில், இந்திய அணி முதல் வரிசை வீரர்கள் அடுத்தடுத்து நடையைக் கட்டிய நிலையில், அடுத்து மிடில் வரிசை வீரர்களும் பெரிய ஸ்கோர் அடிக்கவில்லை. இதனால், 36 ரன்களுக்கு இந்தியா சுருண்டது.

    அடுத்தடுத்த டெஸ்ட்களிலும் மிடில் வரிசை வீரர்களைவிட, டெய்ல் என்டர்ஸ்தான் சிறப்பாக விளையாடி அணிக்கு வெற்றிகளை பெற்றுக்கொடுத்து, தொடரை வெல்ல உதவி செய்தார்கள். இப்படி கடந்த சில வருடங்களாகவே ரஹானே, புஜாரா போன்ற சொதப்பும் மிடில் வரிசை வீரர்களுக்கு ரெகுலராக வாய்ப்பு கொடுத்ததுதான், மாபெரும் சொதப்பல்களுக்கு முக்கிய காரணம் எனப் பார்க்கப்படுகிறது.

    2021-ல் இந்திய அணி சந்தித்த…டாப் 3 சர்ச்சைகள்: டாஸ் போட்டதில் மேட்ச் பிக்சிங்?

    திராவிட் ஸ்கெட்ச்:

    சிலமுறை புதிய வீரர்களுக்கு வாய்ப்பு கொடுத்து, மிடில் வரிசை ஓட்டையை அடிக்க முயற்சி செய்திருக்க வேண்டும். அந்த வேலையைத்தான் தற்போது புதிதாக பயிற்சியாளர் பதவியை ஏற்றுள்ள ராகுல் திராவிட், முதல் டெஸ்ட் தொடரிலேயே செய்தார். ஆம், முதல் போட்டியிலேயே மிடில் வரிசை வீரர் ஷ்ரேயஸ் ஐயருக்கு வாய்ப்பு வழங்கப்பட்டது. இவருக்கு திராவிட் தனிக்கவனம் செலுத்தி பயிற்சியளித்திருக்கிறார். அப்போது, தவறான ஷாட்களை அடியபோது அதனை திருத்த வைத்திருக்கிறார். இந்நிலையில், முதல் டெஸ்டிலேயே சிறப்பாக செயல்பட்டு ஒரு சதம், ஒரு அரை சதம் அடித்து தனது திறமையை நிரூபித்தார். இதனையெடுத்து இரண்டாவது போட்டியில் ரஹானேவுக்கு காயம் எனக் கூறிப்பட்ட நிலையில், ஷ்ரேயஸுக்கு மீண்டும் வாய்ப்பு கிடைத்தது. தென்னாப்பிரிக்க டெஸ்ட் தொடலிரும் இடம்பெற்றுள்ளார்.

    இவரது வருகையால் புஜாரா அல்லது ரஹானே வெளியேற்றப்படும் நிலை இருக்கிறது. ஷ்ரேயஸ் ஐயர் இன்னும் 2,3 போட்டிகளில் அபாரமாக விளையாடினால், இது நிச்சயம் நடக்கும் என கிரிக்கெட் விமர்சகர்கள் கருதுகிறார்கள். இதுமட்டுமல்ல, ஒருநாள் மற்றும் டி20 தொடரிலும் இந்த அதிரடி தொடரும் எனக் கருதப்படுகிறது. இந்திய அணியின் வீக்னஸாக இருக்கும் மிடில் வரிசை பலப்படுத்தினாலே, எப்பேர்ப்பட்ட அணியையும் அசால்ட்டாக வீழ்த்திவிட முடியும். திராவிட் முதல் டெஸ்ட் போட்டியிலேயே அதை செய்து காட்டிவிட்டார். இனி ஒருநாள், டி20 போட்டிகளிலும் இதனை செய்வார் எனத் தெரிகிறது.

    இதனால், தென்னாப்பிரிக்காவுக்கு எதிரான ஒருநாள், டி20 அணி அறிவிப்பில் சில அதிரடி முடிவுகளை பார்க்க முடியும் எனத் தெரிகிறது.

    Thank You

    [email protected]
    • Website

    Related Posts

    Ravi Shastri answers some gruelling questions, கோச்களிலே சிறந்த கோச் நான் தான்- தற்பெருமையின் உச்சத்தில் ரவி சாஸ்திரி – News18 Tamil

    24/12/2021

    cricket news in tamil: IND vs SA: ‘இவருக்கு பந்துபோடுறது’…ரொம்ப கஷ்டம்: சமாளிக்க போராடுவேன்: தென்னாப்பிரிக்க பௌலர் பளிச்! – bowling to virat kohli will be tough but exciting too says duanne olivier

    24/12/2021

    புரோ கபடி 2021 : பெங்களூரை வீழ்த்தி மீண்டு எழுமா தமிழ் தலைவாஸ்?

    24/12/2021
    Leave A Reply Cancel Reply

    Recent Posts
    • #164 – Milana Cap on the Interactivity and HTML APIs, and Their Enormous Potential
    • Best SSH Hosting for WordPress Sites on Shared Servers
    • #162 – Jo Minney on Website Usability Testing for WordPress Projects
    • Smart Order Routing: Crucial For Crypto Execution
    • Online-pelaamisen tulevaisuus ja sen haasteet
    Recent Comments
    • NCS Non Copyright Songs #FH​ Edits - Flowing Happiness on NCS Songs 600+ Download
    © 2025 fhedits.in. Designed by FhEdits.

    Type above and press Enter to search. Press Esc to cancel.