1649672770 pic

ஐபிஎல் 15ஆவது சீசன் விறுவிறுப்பாக நடைபெற்று வருகிறது. இதில், சாம்பியன்ஸ் அணிகளான சென்னை சூப்பர் கிங்ஸ், மும்பை இந்தியன்ஸ் அணிகள் தொடர்ந்து 4 போட்டிகளில் தோற்று, புள்ளிப்பட்டியலில் கடைசி இரண்டு இடங்களில் நீடிக்கின்றன.ராஜஸ்தான் அபாரம்:

இந்த சீசனில், யாரும் எதிர்பார்க்காத வகையில் ராஜஸ்தான் ராயல்ஸ் தொடர்ந்து அபாரமாக விளையாடி வருகிறது. டாஸ் வென்று இரண்டாவது பேட்டிங் செய்தால் வெற்றி கிடைக்கும் என்ற நிலை இருக்கும்போது, ராஜஸ்தான் ராயல்ஸ் மட்டும் மூன்று போட்டிளில் முதலில் களமிறங்கி வெற்றியைப் பெற்று அசத்தியது. இந்நிலையில், இந்த அணி நேற்று லக்னோ அணியை எதிர்கொண்டு விளையாடி வெற்றிபெற்றதன் மூலம் மூன்று மெகா சாதனைகளை படைத்துள்ளது.

முதலிடம்:

ராஜஸ்தான் ராயல் மூன்று போட்டிகளில் இரண்டு வெற்றிகளை பதிவுசெய்து புள்ளிப்பட்டியலில் நான்காவது இடத்தில் இருந்தது. இந்நிலையில் லக்னோ சூப்பர் ஜெய்ண்ட்ஸ் அணிக்கு எதிரான போட்டியில் வெற்றிபெற்றதன் மூலம், மூன்று வெற்றிகளுடன் புள்ளிப்பட்டியலில் முதலிடத்தைப் பிடித்துள்ளது.

ஆரஞ்சு தொப்பி:

ஐபிஎலில் அதிக ரன்களை குவித்தவர்களுக்கு வழங்கப்படும் ஆரஞ்சு தொப்பியும் ராஜஸ்தான் ராயல்ஸ் அணியிடம்தான் இருக்கிறது. அந்த அணியின் துவக்க வீரர் ஜாஸ் பட்லர் 4 போட்டிகளில் 218 ரன்களை குவித்து, ஆரஞ்சு தொப்பியை தன்வசப்படுத்தியுள்ளார். லக்னோ வீரர் குவின்டன் டி காக் (188),, ஷுப்மன் கில் (180) ஆகியோர் அடுத்தடுத்த இடங்களில் உள்ளனர்.

பர்பிள் தொப்பி:

ஐபிஎலில் அதிக விக்கெட்களை கைப்பற்றியோருக்கு வழங்கப்படும் பர்பிள் தொப்பியும் ராஜஸ்தான் ராயல்ஸ் அணியிடம்தான் இருக்கிறது. அந்த அணியின் நட்சத்திர சுழற்பந்து வீச்சாளர் யுஜ்வேந்திர சஹல் 11 விக்கெட்களுடன் முதலிடத்தைப் பிடித்து பர்பிள் தொப்பியை கைப்பற்றியுள்ளார். உமேஷ் யாதவ், குல்தீப் யாதவ் ஆகியோர் தால 10 விக்கெட்களுடன் இரண்டாவது இடத்தில் உள்ளனர்.

பிளே ஆஃப்:

தற்போது ராஜஸ்தான் ராயல்ஸ் அணி தொடர்ந்து சிறப்பாக செயல்பட்டு வருவதால், அந்த அணிக்கு பிளே ஆஃப் வாய்ப்பு பிரகாசமாக இருக்கிறது, கோப்பைகூட வெல்ல வாய்ப்பிருக்கிறது எனக் கணிக்கப்பட்டுள்ளது. கடந்த சில சீசன்களாக பிளே ஆஃப் செல்வதே பெரும் சாதனையாக கருதிவந்த ராஜஸ்தான் ராயல்ஸ் தற்போது அனைத்திலும் ஆதிக்கம் செலுத்தி வருவது, அந்த அணி ரசிகர்கள் மத்தியில் மகிழ்ச்சியை ஏற்படுத்தியுள்ளது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.