1649617630 pic

ஐபிஎல் 15ஆவது சீசனின் 20ஆவது லீக் போட்டியில் ராஜஸ்தான் ராயல்ஸ், லக்னோ சூப்பர் ஜெய்ண்ட்ஸ் அணிகள் மோதின. இதில் டாஸ் வென்ற லக்னோ அணி முதலில் பந்துவீச்சைத் தேர்வு செய்தது.ராஜஸ்தான் இன்னிங்ஸ்:

முதலில் களமிறங்கிய ராஜஸ்தான் ராயல்ஸ் அணியில் ஓபனர்கள் ஜாஸ் பட்லர் 13 (11), தேவ்தத் படிக்கல் 29 (29) போன்றவர்கள் சிறப்பாக செயல்படவில்லை. இதனைத் தொடர்ந்து சஞ்சு சாம்சன் 13 (12), வன் டீர் துஷன் 4 (4) போன்றவர்களும் வந்த வேகத்தில் நடையைக் கட்டியதால், ராஜஸ்தான் அணிக்கு கடும் பின்னடைவை ஏற்படுத்தியது.

இதனைத் தொடர்ந்து ஷிம்ரோன் ஹெட்மையர், ரவிச்சந்திரன் அஸ்வின் ஆகியோர் பார்ட்னர்ஷிப் அமைத்து விளையாடினார்கள். இதனால் ஸ்கோர் 150+ ரன்களை கடந்தது. ஹெட்மையர் 59 (36), அஸ்வின் 28 (23) சேர்த்திருந்தனர். இறுதியில் ரியான் பராக்கும் 8 (4) இரண்டு பவுண்டரிகளை அடித்திருந்தார். இதனால், ராஜஸ்தான் ராயல்ஸ் அணி 20 ஓவர்கள் முடிவில் 165/6 ரன்களை சேர்த்தது.

லக்னோ இன்னிங்ஸ்:

இதனைத் தொடர்ந்து களமிறங்கிய லக்னோ சூப்பர் ஜெய்ண்ட்ஸ் அணியில் ஓபனர் கே.எல்.ராகுலை 0 (1) முதல் பந்திலேயே போல்ட், கிளின் போல்ட் ஆக்கினார். இதனைத் தொடர்ந்து ஒய்ட் சென்ற நிலையில், இரண்டாவது பந்திலேயே கிருஷ்ணப்பா கௌதமை 0 (1) LBW ஆக்கினார். இதனால் லக்னோ அணி 1-2 என திணறியது.

அடுத்து ஜேசன் ஹோல்டரும் 8 (14) பெரிய ஸ்கோர் அடிக்காமல் பிரசித் கிருஷ்ணா பந்துவீச்சில் நடையைக் கட்டினார். தொடர்ந்து ஆயுஷ் படோனியும் 5 (7) அவுட் ஆனதால், ஆட்டம் ராஜஸ்தான் ராயல்ஸ் பக்கம் திரும்பியது. அடுத்து ஓபனர் குவின்டன் டி காக்கும் 39 (32) பெரிய ஸ்கோர் அடிக்காமல் சஹலின் சுழலில் சிக்கினார்.

கடைசியில் ட்விஸ்ட்:

இறுதியில் மார்க்கஸ் ஸ்டாய்னிஸ், ஆவேஷ் கான் களத்தில் இருந்தபோது 12 பந்துகளில் 34 ரன்கள் தேவைப்பட்டது. அப்போது பிரசித் கிருஷ்ணா ஓவரில் ஸ்டாய்னிஸ் 19 ரன்களை விளாசினார். இறுதியில் 6 பந்துகளில் 15 ரன்கள் தேவைப்பட்டது. குல்தீப் சென் வீசிய அந்த ஓவரின் முதல் பந்தில் ஆவேஷ் கான் சிங்கில் எடுத்துக் கொடுத்த, அடுத்த பந்தில் ஸ்டாய்னிஸ் ரன் எதுவும் அடுக்கவில்லை. அடுத்த பந்திலும் டாட்தான். இறுதியில் 3 பந்துகளில் 14 ரன்கள் எடுக்க வேண்டும் என்ற நிலை உருவானது. ஸ்டாய்னிஸ் மீண்டும் ரன் எடுக்கவில்லை. 5ஆவது பந்தில் ஒரு பவுண்டரி அடித்த நிலையில், ஒரு பந்தில் 10 ரன்கள் எடுக்க வேண்டும் என்ற நிலை உருவானது. அப்போது ஸ்டாய்னிஸ் சிக்ஸர் விளாசினார். லக்னோ அணி 20 ஓவர்கள் முடிவில் 162 ரன்கள் மட்டும் சேர்த்து, 3 ரன்கள் வித்தியாசத்தில் தோற்றது.

யுஜ்வேந்திர சஹல் 4/41 விக்கெட்களை (டி காக், படோனி, க்ருனால், சமீரா) கைப்பற்றி அசத்தினார்.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.