1648876982 pic

15 ஆவது சீசனின் இன்றைய நாளில் இரண்டு ஐபிஎல் போட்டிகள் நடைபெற உள்ளன. முதல் போட்டியில் மும்பை இந்தியன்ஸ் ராஜஸ்தான் ராயல்ஸ் அணிகள் பலப்பரீட்சை நடத்த உள்ளது.இந்த போட்டி இன்று பகல் 3.30 மணிக்கு நவியில் உள்ள டாக்டர் டி வொய்.பாட்டீல் மைதானத்தில் நடைபெறுகிறது.

இரு அணிகளும் இந்த சீசனில் இதுவரை ஒரு போட்டியை மட்டுமே விளையாடியுள்ளது. மும்பை அணி தனது முதல் போட்டியில் டெல்லி கேப்பிடல்ஸ் அணியிடம் 4 விக்கெட் வித்தியாசத்தில் தோல்வியை சந்தித்தது. மறுபக்கம் தனது முதல் போட்டியில், ராஜஸ்தான் ராயல்ஸ், 61 ரன்கள் வித்தியாசத்தில் சன்ரைசர்ஸ் ஹைதராபாத் அணியை வீழ்த்தியது. இதுவரை இந்த சீசனில் நடந்த போட்டிகளிலேயே, ராஜஸ்தான் ராயல்ஸ் மட்டும் தான் முதலில் பேட்டிங் செய்து வெற்றி பெற்றுள்ளது.

இதற்கு காரணம் அந்த அணியில் ஜாஸ் பட்லர், யாஷஸ்வி ஜெய்ஷ்வால், சஞ்சு சாம்சன், தேவ்தத் படிக்கல், ஹெட்மையர் போன்ற அதிரடி பேட்ஸ்மேன்கள் இருப்பதால்தான்.

ரவி சாஸ்திரி பேட்டி:

இந்நிலையில் மும்பை, ராஜஸ்தான் போட்டி குறித்துப் பேசியுள்ள இந்திய அணி முன்னாள் தலைமை பயிற்சியாளர் ரவி சாஸ்திரி, மும்பை அணியை எச்சரித்துள்ளார். “ஜாஸ் பட்லர் 6 ஓவருகளுக்கு மேல் தாக்குப்பிடித்துவிட்டால், எந்த பௌலராலும் இவரை கட்டுப்படுத்த முடியாது. அடித்து நொறுக்கிவிடுவார். இதனால், பட்லரை முன்கூட்டியே காலி செய்வது நல்லது. அதற்கு மும்பை அணி பும்ராவை பயன்படுத்த வேண்டும். அபாரமான பந்துவீச்சாளர். பும்ராவை இவரால்தான் வீழ்த்த முடியும் என நினைக்கிறேன்” எனக் கூறினார்.

மேலும் பேசிய அவர், “பட்லர் அதிரடி காட்ட ஆரம்பித்துவிட்டால், நிச்சயம் எப்பேர்ப்பட்ட அணிக்கும் பின்னடைவு ஏற்படும். ஸ்வீப் ஷாட்களை இவர் பிரம்மாதமாக ஆடக் கூடியவர். 360 டிகிரியிலும் ரன் மழை பொழியக் கூடியவர்” எனத் தெரிவித்தார்.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.