1649716818 pic

ஐபிஎல் 15ஆவது சீசனின் 20ஆவது லீக் போட்டியில் ராஜஸ்தான் ராயல்ஸ், லக்னோ சூப்பர் ஜெய்ண்ட்ஸ் அணிகள் மோதின. இதில் டாஸ் வென்ற லக்னோ அணி முதலில் பந்துவீச்சைத் தேர்வு செய்தது.முதலில் களமிறங்கிய ராஜஸ்தான் ராயல்ஸ் அணியில் ஓபனர்கள் ஜாஸ் பட்லர் 13 (11), தேவ்தத் படிக்கல் 29 (29) போன்றவர்கள் சிறப்பாக செயல்படவில்லை. இதனைத் தொடர்ந்து சஞ்சு சாம்சன் 13 (12), வன் டீர் துஷன் 4 (4) போன்றவர்களும் வந்த வேகத்தில் நடையைக் கட்டியதால், ராஜஸ்தான் அணிக்கு கடும் பின்னடைவு ஏற்பட்டது.

லக்னோ பிளான்:

இதனைத் தொடர்ந்து ஷும்ரோன் ஹெட்மையர், ரவிச்சந்திரன் அஸ்வின் ஆகியோர் பார்ட்னர்ஷிப் அமைத்தனர். ஒருபக்கம் ஷெட்மையர் அதிரடி காட்ட, மறுபக்கம் அஸ்வின் நிதானமாக விளையாடி வந்தார்.

அஸ்வின் ரிட்டயர்ட்:

இறுதியில் கடைசி இரண்டு ஓவர்கள் மட்டுமே எஞ்சியிருந்தது. இதில் அதிரடி காட்டினால் மட்டுமே அணியால் 160+ ஸ்கோரை அடிக்க முடியும் என்ற நிலை இருந்தது. அப்போது ஆவேஷ் கான் வீசிய 19ஆவது ஓவரின் முதல் பந்தில் ஹெட்மையர் சிங்கில் எடுத்த நிலையில், அடுத்த பந்தில் அஸ்வின் சிங்கில் எடுத்துக்கொடுத்தார். இதனைத் தொடர்ந்து அஸ்வின் திடீரென்று பெவிலியன் திரும்பினார்.

என்ன நடக்கிறது என்பது புரியாமல் அனைவரும் திகைத்துப் போய் நின்றிருந்த நிலையில், அஸ்வின் ரிட்டயர்ட் அவுட் ஆகிவிட்டார் என தகவல் வெளியானது. இதனைத் தொடர்ந்து அடுத்த இரண்டு பந்துகளில் ஹெட்மையர் சிக்ஸர் அடிக்க, கடைசி ஓவரின் முதல் இரண்டு பந்திகளில் ரியான் பராக் பவுண்டரிகளை விளாசினார். இதனால், ராஜஸ்தான் ராயல்ஸ் அணி 20 ஓவர்கள் முடிவில் 165/6 ரன்களை சேர்த்தது.

ஏன் ரிட்டயர்ட்:

அஸ்வின் தொடர்ந்து ரன்களை குவிக்க முடியாமல் தடுமாறி வந்தார். மேலும், சோர்ந்துபோயும் இருந்ததால் பெரிய ஷாட்களை அடிப்பது கஷ்டம் எனத் தெரிந்துதான் ரியான் பராக்கை களமிறக்கியிருக்கிறார். இந்த விஷயம் குறித்து பேசிய ஹெட்மையர், “என்ன நடக்கிறது என்பது புரியாமல் நின்றிருந்தேன். அஸ்வின் இதுகுறித்து என்னிடம் எதுவும் கூறவில்லை. அவர் பெவிலியன் திரும்பிய பிறகுதான் ரிட்டயர்ட் ஹர்ட் முறையில் ஆட்டமிழந்துவிட்டார் என்ற தகவல் கிடைத்தது” எனக் கூறினார்.

ஐபிஎலில் ரிட்டயர்ட் ஹர்ட் முறையில் ஆட்டமிழப்பது இதுதான் முதல்முறையாகும். அஸ்வின் வரலாற்றில் இடம் பிடித்துவிட்டார் என்றே கூட சொல்லலாம். பொதுவாக டெஸ்டில், அதுவும் ஏ அணிகள் பங்கேற்கும் ஆட்டங்களில்தான் ரிட்டயர்ட் ஹர்ட் அதிகமுறை நடக்கும். ஒருநாள் கிரிக்கெட்டில், வீரர்களுக்கு காயம் ஏற்பட்டால், ரிட்டயர்ட் ஹர்ட் முறையில் வெளியேறுவார்கள் என்பது குறிப்பிடத்தக்கது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.