பலர் பாராட்டு:
இதனைத் தொடர்ந்து அனைத்து லீக் போட்டிகளிலும் பாகிஸ்தான் அணி மிரட்டலாக விளையாடி, தங்களது வலிமையை வெளிப்படுத்தியது. தற்போது மேற்கிந்தியத் தீவுகள் அணிக்கு எதிரான டி20 தொடரிலும் 3-0 என்ற கணக்கில் வெற்றிபெற்று அசத்தியது. இப்படி, குறுகிய காலத்திலேயே பாகிஸ்தான் அணி பலமிக்க அணியாக மாறியுள்ளதால், அந்த அணி குறித்து உலக அளவில் பலரும் பேசி வருகின்றனர். இந்நிலையில் தற்போது, ட்விட்டரில் ரசிகர் ஒருவர் இந்திய அணி சுழற்பந்து வீச்சாளர் ரவிச்சந்திரன் அஸ்வினிடம், தற்போதைய பாகிஸ்தான் அணியில் உங்களுக்கு பிடித்த 3 வீரர்கள் யார்யார் என்ற கேள்வியை எழுப்பினார்.
இந்திய அணி இத செஞ்சா நல்லாருக்கும்…உங்களுக்குத்தான் நன்மை: செம்ம ஐடியா கொடுக்கும் வாசிம் அக்ரம்!
அஸ்வின் பேட்டி:
இதற்கு அஸ்வினும் வெளிப்படையாகப் பதிலளித்துள்ளார். “நான் முகமது ரிஸ்வான் விளையாடும் போட்டிகளை தொடர்ச்சியாக பாலோ பண்ணி வருகிறேன். அவர், தனது சிறந்த ஆட்டம் காரணமாக தொடர்ந்து பாராட்டுகளைப் பெற்று வருகிறார். கிட்டதட்ட அனைத்து போட்டிகளிலும் அவர் சிறப்பாக விளையாடி வருவதால், பாகிஸ்தான் ரசிகர்களை தாண்டி, உலக அளவிலும் அவருக்கு நற்பெயர் கிடைத்து வருகிறது. அதேபோல், பாபர் அசாமையும் எனக்கு மிகவும் பிடிக்கும். ஆஸ்திரேலியாவில் அவர் அடித்த சதம், அபாரமாக இருந்தது” எனக் கூறினார்.
மேலும் பேசிய அவர், “பாகிஸ்தான் அணி வேகப்பந்து வீச்சாளர் ஷாஹீன் அப்ரீதியும் திறமையான வேகப்பந்து வீச்சாளர்தான். இவரைப் போல சிறந்த வீரர்கள் தொடர்ந்து பாகிஸ்தான் அணிக்கு கிடைத்து வருகின்றனர்” எனத் தெரிவித்தார்.
