1649819311 pic

ஐபிஎல் 15ஆவது சீசனின் 22ஆவது லீக் போட்டியில் சென்னை சூப்பர் கிங்ஸ், ராயல் சேலஞ்சர்ஸ் பெங்களூர் அணிகள் மோதின. இதில் டாஸ் வென்ற ஆர்சிபி அணி முதலில் பந்துவீச்சைத் தேர்வு செய்தது.சிஎஸ்கே இன்னிங்ஸ்:

முதலில் களமிறங்கிய சென்னை சூப்பர் கிங்ஸ் அணியில் ராபின் உத்தப்பா 88 (50), ஷிவம் துபே 96 (46) இருவரும் அதிரடியாக விளையாடினார்கள். ருதுராஜ் தனது பங்கிற்கு 17 (16) ரன்கள் சேர்த்தார். இதனால், சிஎஸ்கே 20 ஓவர்கள் முடிவில் 216/4 ரன்களை சேர்த்தது.

ஆர்சிபி இன்னிங்ஸ்:

இலக்கை துரத்திக் களமிறங்கிய ஆர்சிபி அணியில் யாருமே பெரிய ஸ்கோர் அடிக்கவில்லை. ஷாபஸ் அகமது 41 (27), பிரபுதேசாய் 34 (18), தினேஷ் கார்த்திக் 34 (14) ஆகியோர் மட்டுமே ஓரளவுக்கு ரன்களை சேர்த்தார்கள். இறுதியில் ஆர்சிபி அணி 20 ஓவர்களில் 193/9 ரன்களை சேர்த்து, 23 ரன்கள் வித்தியாசத்தில் தோற்றது.

ஜடேஜா போட்டி:

ரவீந்திர ஜடேஜாவுக்கு கேப்டனாக இது முதல் வெற்றியாகும். முதல் நான்கு போட்டிகளில் தோற்று, 5ஆவது போட்டியில் வெற்றிபெற்றது குறித்துப் பேசிய இவர், “கேப்டனாக இது எனக்கு முதல் வெற்றி. இதனை எனது மனைவிக்கும், அணியினருக்கும் டெடிகெட் செய்கிறேன். முதல் நான்கு போட்டிகளில் நாங்கள் வெற்றிக்கு அருகில்கூட செல்லவில்லை. பேட்டிங்கில் அனைவரும் சிறப்பாக செயல்பட்டனர். உத்தப்பா, துபேவின் ஆட்டம் அபாரமாக இருந்தது. பௌலர்களும் சிறப்பாக செயல்பட்டனர்” எனக் கூறினார்.

பயப்படவில்லை:

மேலும் பேசிய அவர், “தொடர் தோல்விகள் கிடைத்த போதிலும் நிர்வாகம் எனக்கு அழுத்தங்களை கொடுக்கவில்லை. தொடர்ந்து ஆதரவாகவே பேசினார்கள். சீனியர் வீரர்களின் ஆலோசனையை தொடர்ந்து கேட்டு வருகிறேன். மகேந்திரசிங் தோனி இருக்கிறார். அவருடன் நான் எப்போதும் ஆலோசனை மேற்கொண்டேதான் இருக்கிறேன். அணியில் நிறைய அனுபவ வீரர்கள் இருக்கிறார்கள். 4 தோல்விகள் குறித்து நாங்கள் பயப்படவே இல்லை. மனது அளவில் அமைதியாகவே இருந்தோம். எங்களுடைய பாணியில் நாங்கள் திரும்பி வந்துள்ளோம். இந்த வெற்றிப் பயணத்தை தொடருவோம்” எனத் தெரிவித்தார்.

சென்னை சூப்பர் கிங்ஸ் அணி தனது அடுத்த லீக் போட்டியில் குஜராத் டைடன்ஸ் அணியை எதிர்கொண்டு விளையாட உள்ளது. இப்போட்டி வரும் ஞாயிறு இரவு நடைபெறும் என்பது குறிப்பிடத்தக்கது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.