1648671950 pic

ஐபிஎல் 15ஆவது சீசனின் 6ஆவது லீக் போட்டியில் ராயல் சேலஞ்சர்ஸ் பெங்களூர், கொல்கத்தா நைட் ரைடர்ஸ் அணி பங்கேற்று விளையாடி வருகின்றன. இதில் டாஸ் வென்ற ஆர்சிபி அணி முதலில் பந்துவீச்சைத் தேர்வு செய்தது.

கொல்கத்தா திணறல்:


முதலில் களமிறங்கிய கொல்கத்தா அணியில் 7ஆவது இடம் வரை களமிறங்கிய பேட்ஸ்மேன்கள் ஒருவர்கூட 20 ரன்களை தொடவில்லை. பெரிதும் எதிர்பார்க்கப்பட்ட ஷ்ரேயஸ் ஐயர் (13), வெங்கடேஷ் ஐயர் (10) போன்றவர்கள் அடுத்தடுத்து ஆட்டமிழந்து ஷாக் கொடுத்தனர். அதிரடி வீரர் சுனில் நரைனும் (10) பெரிய தாக்கத்தை ஏற்படுத்தவில்லை.இதனால், கொல்கத்தா அணி 9 ஓவர்கள் முடிவில் 67/6 எனத் திணறியது. அந்த நேரத்தில் களமிறங்கிய ரஷல் சில பவுண்டரி, சிக்ஸர்களை அடித்து நம்பிக்கையை உருவாக்கினார்.

ஹர்ஷல் அபாரம்:

இந்நிலையில் 11 ஓவது ஓவரை வீசிய ஹர்ஷல் படேல் சிறப்பாக பந்துவீசி, சாம் பில்லிங்ஸை ரன் எதுவும் எடுக்க விடாமல் 4ஆவது பந்தில் வீழ்த்தினார். அடுத்து கடைசி இரண்டு பந்துகளிலும் ஒரு ரன்னை கூட விட்டுக்கொடுக்கவில்லை. இதனால், மெய்டன் விக்கெட் ஓவராக அமைந்தது. ரஸல் ஒரு பந்தைகூட எதிர்கொள்ளவில்லை.

அடுத்த ஓவரில் ஷாபஸ் அகமது வீசிய பந்துகளில் ரஸல் இரண்டு சிக்ஸர்களை பறக்கவிட்டு கெத்து காட்டினார். இதனால், அடுத்த ஓவரில் ஹர்ஷல், ரஸல் மோதல் எதிர்பார்ப்பை எகிற வைத்தது. வழக்கம்போல ஹர்ஷல் சிறப்பாக பந்துவீசி ரஸலை முதல் நான்கு பந்துகளில் ரன் எடுக்கவிடவில்லை. அடுத்து, ஐந்தாவது பந்தில் விக்கெட் கீப்பரிடம் கேட்ச் கொடுத்து ஆட்டமிழந்து நடையைக் கட்டினார். ரஸல் 25 (18) மட்டும்தான் 20+ ரன்களை அடித்திருந்தார்.

அடுத்து சௌதீயும் 1 (5) நீண்ட நேரம் தாக்குப்பிடிக்கவில்லை. இதனால், கொல்கத்தா அணி 18.5 ஓவர்கள் முடிவில் 128/10 ரன்கள் சேர்த்து ஆட்டமிழந்தது.

ஹர்ஷல் படேல் 3 ஓவர்களை வீசி 3 ரன்களை மட்டும் விட்டுக்கொடுத்து, 2 விக்கெட்களை கைப்பற்றி அசத்தினார்.

ஆர்சிபி இன்னிங்ஸ்:

இலக்கை துரத்திக் களமிறங்கிய ஆர்சிபி அணியும் பயங்கரமாக திணறியது. ஓபனர்கள் அனுஜ் ராஜ்வாட் (0), டூ பிளஸி (5) இருவரும் அடுத்தடுத்து ஆட்டமிழந்தார்கள். தொடர்ந்து அதிரடி காட்ட முற்பட்ட கோலியும் 12 ரன்கள் எடுத்து நடையைக் கட்டினார். இதனால், ஆட்டத்தில் பரபரப்பு ஏற்பட்டது.

இந்த சமயத்தில் டேவிட் வில்லி, ரூதர்போர்ட் இருவரும் பார்ட்னர்ஷிப் அமைத்தார்கள். இருப்பினும், நீண்ட நேரம் நிலைக்கவில்லை. நரைன் பந்துவீச்சில் வில்லி (18) ஆட்டமிழந்தார். இதனைத் தொடர்ந்து ஷாபாஸ் அகமது, ரூதர்போர்ட் இருவரும் பார்ட்னர்ஷிப் அமைத்து, நிதானமாக ரன்களை சேர்த்து வந்தார்கள். அப்போது வருண் சக்ரவர்த்தி வீசிய பந்தை இறங்கி வந்து அடிக்க முற்பட்டு ஷாபாஸ் அகமது (27) ஆட்டமிழந்து, ஏமாற்றம் அளித்தார்.

இதனைத் தொடர்ந்து ஆர்சி 24 பந்துகளில் 29 ரன்கள் அடிக்க வேண்டும் என்ற நிலை வந்தது. களத்தில் தினேஷ் கார்த்திக், ரூதர்போர்ட் இருந்தார்கள். 16ஆவது ஓவரை வீசிய நரைன் 4 ரன்களை மட்டுமே விட்டுக்கொடுத்தார். அடுதத்து டிம் சௌதீ பந்துவீச வந்தார். அப்போது ரூதர்போர்ட் அடித்த பந்து என் சைட் எட்ஜ் ஆகி, கீப்பரின் வலது திசையில் பிடிக்க முடியாத அளவுக்கு தாழ்வாக சென்றது. அதனை ஷெல்டோன் ஜாக்சன் அபாரமாக பிடித்து, பார்வையாளர்களை வியிக்க வைத்தார். இதனால், ரூதர்போர்ட் 28 ரன்களை மட்டும் எடுத்து நடையைக் கட்டினார்.

பரபரப்பு கட்டம்:

இதனைத் தொடர்ந்து களத்திற்குள் வந்த ஹசரங்கா, ஒரு பவுண்டரி அடித்துவிட்டு ரஸலிடம் கேட்ச் கொடுத்து நடையைக் கட்டினார். இதனால், 13 பந்துகளில் 18 ரன்கள் அடிக்க வேண்டும் என்ற நெருக்கடி நிலை உருவானது. இந்நிலையில், 19ஆவது ஓவரை வீச வெங்கடேஷ் ஐயர் வந்தார். அந்த ஓவரில் இரண்டு பவுண்டரிகள் சென்றது.

இதனால், கடைசியில் 6 பந்துகளில் 7 ரன்கள் அடிக்க வேண்டும் என்ற நிலை உருவானது. ஸ்ட்ரைக்கில் இருந்த தினேஷ் கார்த்திக், ரஸலின் முதல் பந்திலேயே சிக்ஸர், தொடர்ந்து பவுண்டரி விளாசி அசத்தினார். இதனால், ஆர்சிபி அணி 19.2ஆவது ஓவரில் 132/7 ரன்கள் சேர்த்து, 3 விக்கெட்கள் வித்தியாசத்தில் வெற்றிபெற்றது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.