1649386630 pic

ஐபிஎல் 15ஆவது சீசனின் நேற்றைய லீக் போட்டியில் டெல்லி கேபிடல்ஸ், லக்னோ சூப்பர் ஜெய்ண்ட்ஸ் அணிகள் மோதின. இதில் டாஸ் வென்ற லக்னோ அணி பந்துவீச்சைத் தேர்வு செய்தது.முதலில் களமிறங்கிய டெல்லி அணியில் ஓபனர் பிரித்வி ஷா (61), ரிஷப் பந்த் (39), சர்பரஸ் கான் (36) ஆகியோர் பங்களிப்பை செய்ததால், அந்த அணி 20 ஓவர்கள் முடிவில் 149/3 ரன்களை சேர்த்தது. இதனைத் தொடர்ந்து களமிறங்கிய லக்னோ அணியில் ஓபனர் டி காக் 52 பந்துகளில் 80 ரன்களை குவித்து அசத்தினார்.

அடுத்து கடைசி 2 ஓவர்களில் 19 ரன்கள் தேவைப்பட்ட நிலையில் 19ஆவது ஓவரில் க்ருனால் பாண்டியா 13 ரன்களை சேர்த்து, ஷர்தூல் தாகூர் வீசிய 20ஆவது ஓவரின் முதல் பந்தில் ஆட்டமிழந்தார். அடுத்து ஆயுஸ் படோனி ஒரு பவுண்டரி, சிக்ஸர் அடித்து, அணிக்கு வெற்றியைப் பெற்றுக்கொடுத்தார்.

இப்போட்டியில் டெல்லி அணி தோற்றதற்கு 3 காரணங்கள் முக்கியமானதாக பார்க்கப்படுகிறது. அதுகுறித்து தற்போது பார்க்கலாம்.

86 பந்துகளில் 88 ரன்கள்:

டெல்லி அணியின் ஓபனர் பிரித்வி ஷா 34 பந்துகளில் 61 ரன்களை சேர்த்து அசத்தினார். இதனால், ஸ்கோர் 180 ரன்களை தாண்டும் எனக் கருதப்பட்ட நிலையில் ரிஷப் பந்த் வார்னர் உட்பட மற்ற வீரர்கள் அனைவரும் சேர்ந்து 86 பந்துகளில் வெறும் 88 ரன்கள் மட்டுமே சேர்த்தனர். தோல்விக்கு இது முக்கிய காரணமாக பார்க்கப்படுகிறது.

கடைசி மூன்று ஓவர்கள்:

டெல்லி அணி 17 ஓவர்கள் முடிவில் 130/3 ரன்களை சேர்த்து ஓரளவுக்கு நல்ல நிலையில்தான் இருந்தது. அப்போது பந்துவீச வந்த ஹோல்டர், ஆவேஷ் கான் இவரும் சேர்ந்து 18 பந்துகளில் ஒரேயொரு பவுண்டரியை மட்டுமே விட்டுக்கொடுத்தனர். களத்தில் இருந்து ரிஷப் பந்த், சர்பரஸ் கான் இருவரில் ஒருவர் யாராவது அதிரடி காட்டியிருந்தால், முடிவுகளில் மாற்றம் ஏற்பட்டிருக்கும் எனக் கருதப்படுகிறது.

நோர்க்கியா சொதப்பல்:

மைதானம் பந்துவீச்சுக்கு சாதகமாக இருந்ததால், ஆன்ரிக் நோர்க்கியா அபாரமாக பந்துவீசி, லக்னோ அணிக்கு நெருக்கடி கொடுப்பார் எனக் கருதப்பட்டது. ஆனால், முதல் ஓவரிலேயே ஸ்லாட் பால், ஷார்ட் பால் வீசி 19 ரன்களை வாரி வழங்கினார். தொடர்ந்து அடுத்த ஓவரில் 14 ரன்களை விட்டுக்கொடுத்தார். மூன்றாவது ஓவர் வீச வந்த அவர் கை வலி காரணமாக பந்துவீசவில்லை. இப்படி மொத்தம் 2.2 ஓவர்களில் 35 ரன்களை விட்டுக்கொடுத்ததும் தோல்விக்கு முக்கிய காரணமாக பார்க்கப்படுகிறது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.