1649782714 pic

ஐபிஎல் 15ஆவது சீசனின் 22ஆவது லீக் போட்டியில் சென்னை சூப்பர் கிங்ஸ், ராயல் சேலஞ்சர்ஸ் பெங்களூர் அணிகள் மோதின. இதில் டாஸ் வென்ற ஆர்சிபி அணி முதலில் பந்துவீச்சைத் தேர்வு செய்தது.சிஎஸ்கே இன்னிங்ஸ்:

முதலில் களமிறங்கிய சிஎஸ்கே அணியில் ஓபனர் ருதுராஜ் கெய்க்வாட், வழக்கம்போல பந்துகளை எதிர்கொள்ள திணறினார். மறுமுனையில் ராபின் உத்தப்பாவும் நிதானம் காட்டியதால், ஸ்கோர் வேகத்தில் துவக்கத்திலேயே தொய்வு ஏற்பட்டது. இந்நிலையில் ருதுராஜ் 16 பந்துகளில் 17 ரன்கள் சேர்த்து, ஹேசில்வுட் பந்துவீச்சில் LBW ஆகி நடையைக் கட்டினார்.

அடுத்து மொயின் அலியும் 3 (8) பெரிய ஸ்கோர் அடிக்காமல் ஆட்டமிழந்ததால், சிஎஸ்கே 150+ ரன்களை தொடுவதே பெரிய விஷயமாக இருக்கும் எனக் கருதப்பட்டது. பவர் பிளேவில் 35 ரன்கள்தான் சேர்ந்தது.

ஸ்பின்னர்களுக்கு எதிராக:

இந்த சமயத்தில் பார்ட்னர்ஷிப் அமைத்த ராபின் உத்தப்பா, ஷிவம் துபே இருவரும் தொடர்ந்து அதிரடியாக விளையாடி ரன்களை குவிக்க ஆரம்பித்தனர். குறிப்பாக, இவர்கள் மேக்ஸ்வெல், வனிந்து ஹசரங்கா, ஷாபஸ் அகமது ஆகியோரை எதிர்த்து சிறப்பாக விளையாடியபோது, வேகப்பந்து வீச்சாளர்களை டூ பிளஸி கொண்டு வரவில்லை. இதனால்தான் உத்தப்பா, துபேவால் தொடர்ந்து அதிரடியாக விளையாட முடிந்தது. 9 முதல் 15ஆவது ஓவர்வரை ஸ்பின்னர்கள் பந்துவீசிய நிலையில் அதில் மட்டும் 86/0 ரன்கள் சேர்ந்தது.

செட் ஆயாச்சு:

இந்நிலையில் 9ஆவது ஓவருக்குப் பிறகு 16ஆவது ஓவரின்போதுதான் வேகப்பந்து வீச்சாளர் ஹேசில்வுட்டை டூபிளஸி கொண்டு வந்தார். இரண்டு பேட்ஸ்மேன்களும் செட்டில் ஆனதால், இவரை சுலபமாக எதிர்கொண்டனர். குறிப்பாக, உத்தப்பா ஒரு சிக்ஸர் அடித்து அசத்தினார்.

அடுத்து முகமது சிராஜ் ஓவரிலும் இரண்டு சிக்ஸர்கள், ஒரு பவுண்டரி பறந்தன. இந்த இருவரையும் யாராலும் தடுத்து நிறுத்த முடியவில்லை. அடுத்து ஆகாஷ் தீபிற் 18ஆவது ஓவரில் 24 ரன்கள் கசிந்தது. இந்நிலையில் 19ஆவது ஓவரை ஸ்பின்னர் ஹசரங்கா வீச வந்தார். இவரையும் விட்டுவைக்கவில்லை. இந்த ஓவரில் இரண்டு சிக்ஸர்கள் பறந்த நிலையில், 5ஆவது பந்தில் உத்தப்பா 88 (50) ஆட்டமிழந்தார். தொடர்ந்து அடுத்த பந்தில் ஜடேஜா 0 (1) வெளியேறினார். இருப்பினும் துபே தடுமாறவில்லை. ஹேசில்வுட்டின் கடைசி ஓவரில் இரண்டு சிக்ஸர்களை பறக்கவிட்டார் . இறுதியில் சிஎஸ்கே 20 ஓவர்கள் முடிவில் 216/5 ரன்களை குவித்து அசத்தியது. துபே 95 (46) கடைசிவரை களத்தில் இருந்தார்.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.