1648759840 pic

ஐபிஎல் 15ஆவது சீசனின் 7ஆவது லீக் போட்டியில் சென்னை சூப்பர் கிங்ஸ், லக்னோ சூப்பர் ஜெய்ண்ட்ஸ் அணிகள் மோதி வருகின்றன. இதில் டாஸ் வென்ற லக்னோ அணி முதலில் பந்துவீச்சைத் தேர்வு செய்தது.

சிஎஸ்கே இன்னிங்ஸ்:


கடந்த போட்டியில் டிவோன் கான்வே சிறப்பாக விளையாடததால், இம்முறை ராபின் உத்தப்பா ஓபனராக களமிறக்கப்பட்டார். ருதுராஜும், இவரும் களமிறங்கிய நிலையில், ராபின் உத்தப்பாதான் அதிக பந்துகளை எதிர்கொள்ள ஆரம்பித்தார். குறிப்பாக, ஆட்டத்தின் முதல் இரண்டு பந்துகளிலும் பவுண்டரி விளாசி, ஆவேஷ் கானை மிரட்டினார்.சமீராவுக்கும் ஆப்பு:

இதனைத் தொடர்ந்து சமீரா பந்துவீச வந்தார். இவர் டி20 கிரிக்கெட்டில் ரோஹித் ஷர்மாவையே திணறடித்தவர். சமீராவுக்கு எதிராக ரோஹித் ஒரு பவுண்டரி கூட அடிக்காமல், பலமுறை ஆட்டமிழந்திருக்கிறார். இதனால், உத்தப்பாவை சமீரா திணறிப்பார் என எதிர்பார்க்கப்பட்டது. இருப்பினும், இவருக்கு எதிராகவும் உத்தப்பா பவுண்டரி, சிக்ஸர் அடித்து மிரட்டினார்.

ரன் அவுட்:

தொடர்ந்து 2.3ஆவது ஓவரில் ருதுராஜ் கெய்க்வாட் 1 (4) எதிர்பாராத விதமாக ரவி பிஷ்னோயிடம் ரன் அவுட் ஆனார். ஆன்ட்ரூ டை வீசிய அந்த ஓவரில் 2 ரன்கள் மட்டுமே கசிந்தது. இருப்பினும், அடுத்த ஓவரில் ஆவேஷ் கானின் பந்துகளில் உத்தப்பா ஒரு பவுண்டரி அடிக்க, மொயின் ஒரு சிக்ஸர் அடித்து கெத்து காட்டினார். தொடர்ந்து முதல் ஓவரில் 2 ரன்களை விட்டுக்கொடுத்த டை ஓவரில், உத்தப்பா 4 பவுண்டரிகளை விளாசி மிரள வைத்தார்.

இதனால், சிஎஸ்கே 5 ஓவர்கள் முடிவில் 57/1 ரன்களை குவித்து அசத்தியது. இந்த அதிரடி இத்தோடு மட்டும் நின்றுவிடவில்லை. பவர் பிளேயின் கடைசி ஓவரை வீச வந்த க்ருனால் பாண்டியாவுக்கு எதிராக மொயின் 2 பவுண்டரி, ஒரு சிக்ஸர் விளாசி அசத்தினார். இதனால், பவர் பிளே முடிவில் சிஎஸ்கே 73/1 ரன்களை குவித்தது.

ராபின் உத்தப்பா 45 (21), மொயின் அலி 21 (11) ஆகியோர் களத்தில் இருக்கிறார்கள். இதனால், ஸ்கோர் 200+ ரன்களை தொட அதிக வாய்ப்புள்ளது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.