1648898973 pic

15 ஆவது சீசனின் நேற்றைய போட்டியில், கொல்கத்தா அணியும் பஞ்சாப் அணியும் மும்பை வான்கடே மைதானத்தில் பலப்பரீட்சை நடத்தியது. இதில் டாஸ் வென்ற கொல்கத்தா அணி முதலில் பந்துவீச்சை தேர்வு செய்ததுமுதலில் களமிறங்கிய பஞ்சாப் அணி, உமேஷ் யாதவின் பந்துவீச்சில் தொடக்கம் முதலே விக்கெட்டுகளை விட்டது. அதிகபட்சமாக பானுகா ராஜபக்ச அதிரடியாக 9 பந்துகளில் 31 ரன்களும், ககிசோ ரபாடா 16 பந்துகளில் 25 ரன்களும் எடுத்தனர். மற்ற வீரர்கள் சொற்ப ரன்களில் ஆட்டமிழக்க, பஞ்சாப் அணி 137 ரன்களுக்கு அனைத்து விக்கெட்டுகளையும் இழந்தது.

இதனை தொடர்ந்து பேட்டிங் செய்த கொல்கத்தாவும் சற்று தடுமாறியது. பவர்ப்ளேவிலேயே மூன்று விக்கெட்டுகளை எடுத்த பஞ்சாபின் பக்கம் ஆட்டம் சற்று திரும்பியது. அப்போது களம் இறங்கிய ஆண்ட்ரே ரஸல், பந்துகளை விளாசி தள்ளினார். குறிப்பாக ஓடியின் ஸ்மித் வீசிய 12ஆவது ஓவரில் 4 சிக்ஸர்கள் உட்பட 30 ரன்களை குவித்து அசத்தினார். இப்படி அதிரடியாக விளையாடிய ரஸல், 31 பந்துகளில் 8 சிக்ஸர்கள், 2 பவுண்டரி என 70 ரன்களை குவித்தார். இவரின் அதிரடியால் கொல்கத்தா அணி எளிதில் 14.3 ஓவரிலேயே வெற்றி பெற்றது.

ஷ்ரேயஸ் ஐயர் பேட்டி:

இதையடுத்து பேசிய கொல்கத்தா அணியின் கேப்டன் ஷ்ரேயாஸ் ஐயர், “பஞ்சாப் கிங்ஸ் தொடங்கிய வேகத்தை பார்த்து உண்மையில் நான் அதிர்ச்சியடைந்தேன். முதல் ஓவரிலேயே விக்கெட்டை இழந்த பின்னும் அவர்கள் அதிரடியாக விளையாடினர். அவர்களின் ஆட்டத்தை பார்த்த பின் தான், பந்தை சரியான நேரத்தில் அடித்ததாலே என்னால் பவுண்டரிக்கு விரட்ட முடியும் என்ற நம்பிக்கையுடன் விளையாடினேன்” என கூறினார்.

மேலும், “சரியான பந்துவீச்சாளர்களை தேர்வு செய்தாலே விக்கெட்டுகளை எடுக்கலாம் என நம்பினேன். அதனாலேயே பவர்பிளேவிற்கு பின்னர், எங்களால் எளிதாக விக்கெட்டுகளை எடுக்க முடிந்தது. நரைன் மற்றும் வருண் திறமையான பவுலர்கள். அவர்களிடம் நீங்கள் அதிகமாக பேச தேவையில்லை. அவர்களுக்கு எப்படி பந்துவீச வேண்டும் என்பது தெரியும்” என தெரிவித்தார்.

ரஸலுக்கு பட்டம்:

தொடர்ந்து பேசிய அவர், “ரஸல் அதிரடியாக விளையாடும்போது எனக்கு பெரும் நிம்மதி தான் வந்தது. அவர் ஆட்டத்தை அப்படியே மாற்ற கூடியவர். அவர் உண்மையில் ரஸல் மஸல் (Muscle) தான். உமேஷ் யாதவும் நிறைய உழைக்கிறார். அவர் சிறப்பான ஆட்டத்தை கொடுக்க முயல்கிறார். அவருக்கு எப்போதும் அணி ஜெயிக்க வேண்டும், மேலும் எனக்கு அவரிடம் எப்படி வேலை வாங்க வேண்டும் என்பது தெரியும். அவருடன் விளையாடுவது எனக்கு மகிழ்ச்சியாக உள்ளது” என கூறினார்.

ஆட்டநாயகன் விருதை 4 ஓவர்கள் வீசி, வெறும் 23 ரன்களை மட்டுமே விட்டுக்கொடுத்து 4 விக்கெட்டுகளை கைப்பற்றிய உமேஷ் யாதவ் பெற்றார்.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.