1649107883 pic

ஐபிஎல் 15ஆவது சீசன் துவங்கி விறுவிறுப்பாக நடைபெற்று வருகிறது. இதில் நடப்பு சாம்பியன் சென்னை சூப்பர் கிங்ஸ் அணி தொடர்ந்து சொதப்பி, ஹாட்ரிக் தோல்வியை சந்தித்துள்ளது. இந்த தோல்விக்கு முக்கிய காரணங்களாக பந்துவீச்சாளர்கள், ஓபனர் ருதுராஜ் ஆகியோர் பார்க்கப்படுகின்றனர்.காயத்தால் அவதிப்பட்டு வரும் தீபக் சஹார் அணியில் இணைந்துவிட்டால், பந்துவீச்சு துறை பிரச்சினை ஓரளவுக்கு சரியாகிவிடும். மேலும் அடுத்தடுத்த போட்டிகளில், பார்மில் இருக்கும் ராஜ்வர்தன் ஹங்கர்கேகரை அணிக்குள் கொண்டுவந்து இவருடன் டுவைன் பிராவோ, பிரிடோரியஸ் ஆகியோரை களமிறக்கினால், வேகப்பந்து வீச்சு பிரச்சினையை தற்காலிகமாக சரிசெய்துவிடலாம். மொயின் அலி, ரவீந்திர ஜடேஜா ஆகிய ஸ்பின்னர்கள் சிறப்பாக பந்துவீசக் கூடியவர்கள்தான். இதனால், பந்துவீச்சு துறையை சரிசெய்ய வழிகள் இருக்கிறது.

எம்.ஜி.ஆர் பாணியில்:

இருப்பினும் தற்போதைக்கு பெரிய பிரச்சினையாக பார்க்கப்படுவது ருதுராஜ் கெய்க்வாட்தான். இவர் முதல் மூன்று போட்டிகளிலும் (0,1,1) இரண்டு ரன்களை மட்டுமே சேர்த்துள்ளார். கடந்த இரண்டு சீசன்களிலும் இப்படித்தான் முதல் மூன்று போட்டிகளில் (0,5,0), (5,5,10) சொற்ப ரன்களை மட்டுமே சேர்த்திருந்தார். இதனால், கடந்த சீசன்களைப் போல் அடுத்தடுத்த போட்டிகளில் ருதுராஜ் அதிரடி காட்டுவார் என ரசிகர்கள், கிரிக்கெட் விமர்சகர்கள் கூறி வருகிறார்கள். நம்பிக்கையுடனும் இருக்கிறார்கள்.

பிரச்சினை இதுதான்:

இருப்பினும், இம்முறை அதற்கு சாத்தியம் குறைவு என்றுதான் கருதப்படுகிறது. காரணம், கடந்த இரண்டு சீசன்களில் ருதுராஜ் சொற்ப ரன்களுக்கு ஆட்டமிழந்தாலும் மற்றொரு ஓபனர் டூ பிளஸி தொடர்ந்து சிறப்பாக விளையாடி ஸ்கோரை உயர்த்தி வந்தார். இதனால், சொற்ப ரன்களுக்கு ஆட்டமிழந்தாலும் ருதுராஜ் மீது அழுத்தங்கள் இல்லாமல் இருந்தது. இப்போது நிலைமை அப்படியல்ல. ஒரு விக்கெட் விழுந்தாலே, அடுத்தடுத்து விக்கெட்கள் காலியாகிவிடுகிறது. ருதுராஜுக்கு சரியாக கம்பேனி கொடுக்கக்கூடிய ஓபனர் தற்போது இல்லை. இதனால், நாம் சிறப்பாக விளையாடினால்தான் அணியின் ஸ்கோர் உயரும் என்ற நெருக்கடி ருதுராஜிடம் இருக்கிறது.

இந்திய அணியும்:

மேலும், கடந்த சில மாதங்களுக்கு முன்பு இந்திய அணியில் சேர்க்கப்பட்டு, XI அணியில் ருதுராஜ் தொடர்ந்து புறக்கணிக்கப்பட்டார். இதனாலும், ருதுராஜின் மன உறுதி குறைந்திருக்க வாய்ப்புள்ளது. இந்த இரண்டு காரணங்களும்தான் ருதுராஜ் சொதப்ப காரணமாக அமைந்துவிட்டது.

தீர்வு என்ன?

இனிமேலும் அவர் சிறப்பாக விளையாட வேண்டும் என்றால் துவக்கத்தில் அதிக பந்துகளை எதிர்கொண்டு, பவர் பிளே முடிவுவரை அவர் தாக்குப்பிடித்தே ஆக வேண்டும். இப்படி இரண்டு மூன்று போட்டிகளில் செட்டில் ஆகி விளையாடிவிட்டால், அழுத்தங்கள் இல்லாமல் விளையாட முடியும். மேலும், இவருடன் ஓபனராக களமிறங்கி வரும் ராபின் உத்தப்பாவும் அதிரடி காட்டினால்தான், ருதுராஜால் அழுத்தங்களை மறந்து விளையாட முடியும் எனக் கருதப்படுகிறது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.