1648715883 pic

ஐபிஎல் போட்டிகளில் நான் விளையாட நினைத்தேன். ஆனால் காயம் காரணமாக அது முடியவில்லை. நான் நிச்சயம் ஐபிஎல்யில் மீண்டும் வந்து விளையாடுவேன் என இங்கிலாந்து வீரர் சாம் கர்ரன் தெரிவித்துள்ளார்.சாம் கர்ரன் கடந்த ஐபிஎல் போட்டியில் சென்னை சூப்பர் கிங்ஸ் அணிக்காக விளையாடும்போதே போதே முதுகு வலியால் அவதிப்பட்டார். பின்னர் அது எலும்பு முறிவு என்று கண்டறியப்பட்ட பின்பு, ஐபிஎல் தொடரில் இருந்து விலகினார். இதன்காரணமாக, அவரால் T20 உலக கோப்பை தொடரிலும், ஆஷஸ் தொடரிலும் கூட விளையாட முடியவில்லை.

இந்நிலையில் அவர் கொடுத்த பேட்டியில், தான் சற்று உழைத்திருந்தால் கூட தன்னால் ஐபிஎல்யில் விளையாடி இருக்க முடியும். ஆனால் நான் என்னை வருத்திக்கொள்ள விரும்பவில்லை. அந்த முடிவே இப்போது சரியான முடிவாக தெரிகிறது என்று கூறியுள்ளார்.

சாம் கரன் பேட்டி:

சமீபத்தில் கொடுத்த பேட்டியில் அவர், “நான் வீட்டிலேயேயே இருந்து ஐபிஎல் பார்ப்பது வெறுப்பாக உள்ளது. நான் அங்கு இருந்திருக்க வேண்டும். நான் ஏலத்தில் பதிவு செய்ய வேண்டும் என நினைத்தேன் ஆனால் காயம் காரணமாக இங்கிலாந்து கிரிக்கெட் வாரியத்தின் மருத்துவ ஊழியர்கள் என்னை ஏலத்தில் பதிவு செய்ய வேண்டாம் என்று அறிவுறுத்தினர்”.

“இருந்தாலும் என்னால் இயன்றதை செய்வோம் என சென்று இருக்க முடியும்.இப்போதும் கூட நான் வலைகளில் நன்றாக பந்துவீசுகிறேன். இன்னும் சற்று உழைத்திருந்தால் கூட என்னால் ஐபிஎல்யில் விளையாடி இருக்க முடியும். ஆனால் நான் என்னை வருத்திக்கொள்ள விரும்பவில்லை’’ எனக் கூறினார்.

மற்றொரு காயம்:

மேலும் பேசிய அவர், ‘‘நான் இன்னும் இளமையானவன் தான். எனக்கு கிரிக்கெட் விளையாட இன்னும் பல காலம் இருக்கிறது. ஐபிஎல் மிக பெரிய தொடர். அந்த போட்டியின் தீவிரத்தையும் பெரும் மக்கள் கூட்டத்தின் எதிர்பார்ப்பையும் நிறைவேற்ற என்னை மிகைப்படுத்தி செயல்பட நான் விரும்பவில்லை. மேலும் அப்படி விளையாடினால் மற்றொரு காயம் ஏற்படும் அபாயம் உள்ளது’’

‘‘நான் ஐபிஎல் ஏலத்தில் பதிவு செய்யாதது எனக்கு மிகவும் வெறுப்பாக இருந்தது. ஆனால் இப்போது யோசிக்கும்போது அதுவே சரியான முடிவாக இருக்கிறது’’ எனத் தெரிவித்தார்.

‘‘ஐபிஎல் போட்டிகளில் நான் விளையாட வேண்டும். ஏனென்றால் அங்கு தான் T20 கிரிக்கெட்டை பற்றி நன்றாக கற்றுக்கொள்ள முடியும். அங்கு நல்ல கிரிக்கெட் சூழல் உள்ளது. அந்த இடத்தில் உங்களுக்கு எல்லாமே கிரிக்கெட் தான். பலமணிநேரம் உங்களால் கிரிக்கெட் ஜாம்பவான்களுடன் உணவு உண்டுகொண்டே அந்த விளையாட்டை பற்றி பேச முடியும். நான் நிச்சயமாக ஐபிஎல்யில் மீண்டும் விளையாடுவேன்’’ என சாம் கரன் பேசினார்.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.