1649591954 pic

ஐபிஎல் 15ஆவது சீசனின் 19ஆவது லீக் போட்டியில் டெல்லி கேபிடல்ஸ், கொல்கத்தா நைட் ரைடர்ஸ் அணிகள் மோதி வருகின்றன. இதில் டாஸ் வென்ற கொல்கத்தா அணி முதலில் பந்துவீச்சைத் தேர்வு செய்தது.டெல்லி இன்னிங்ஸ்:

முதலில் களமிறங்கிய டெல்லி அணியில் ஓபனர்கள் பிரித்வி ஷா, டேவிட் வார்னர் இருவரும் அதிரடியாக விளையாட ஆரம்பித்தனர். இதனால், பவர் பிளேவில் அதிக ரன்கள் கசிந்தது. உமேஷ் யாதவ், ரஷிக் சலாம், பாட் கம்மின்ஸ் சுனில் நரைன் ஆகியோரின் ஓவர்களில் 10 ரன்கள்வரை கசிந்தது. இதனால், கொல்கத்தா அணி பவர் பிளேவில் 68 ரன்கள் சேர்த்தது.

இந்நிலையில் 9.3ஆவது ஓவரில் வருண் சிக்ரவர்த்தி பந்துவீச்சில் பிரித்வி ஷா 51 (29) கிளின் போல்ட் ஆனார். இதனைத் தொடர்ந்து களமிறங்கிய ரிஷப் பந்த் காட்டடி அடித்து வந்த நிலையில் ஆண்ட்ரே ரஸல் பந்துவீச்சில் உமேஷிடம் கேட்ச் கொடுத்து நடையைக் கட்டினார். ரிஷப் அடித்தது 27 (14) ரன்கள்.

இவர்கள் ஒருபுறம் ஆட்டமிழக்க மறுபக்கம் டேவிட் வார்னர் தொடர்ந்து அபாரமாக விளையாடி வந்தார். இதனால், டெல்லி அணி 16 ஓவர்களல் 160 ரன்கள் சேர்த்தது. ஒருவேளை வார்னர் 20 ஓவர்வரை தாக்குப்பிடித்தால் ஸ்கோர் 200 ரன்களை நிச்சயம் தொடும் எனவும் கருதப்பட்டது. இந்நிலையில் 16.4ஆவது ஓவரில் உமேஷ் யாதவ் பந்துவீச்சில் ரஹானேவிடம் வார்னர் 61 (45) கேட்ச் கொடுத்து ஆட்டமிழந்தார். அடுத்து ஸ்கோரின் வேகத்தில் தொய்வு ஏற்பட்டது.

இந்நிலையில் உமேஷ் யாதவ் வீசிய 19ஆவது ஓவரில் ஷர்தூல் தாகூர் இரண்டு சிக்ஸர் அடித்த நிலையில், அடுத்து அக்சர் படேல் ஒரு பவுண்டரி, சிக்ஸர் அடித்தார். இதனால், அந்த ஓவரில் 23 ரன்கள் கசிந்தது. அடுத்து கம்மின்ஸின் கடைசி ஓவரிலும் ஷர்தூல் தாகூர் ஒரு சிக்ஸர், பவுண்டரி விளாசினார். இதனால், டெல்லி அணி 20 ஓவர்கள் முடிவில் 215/5 ரன்கள்கு வித்தது. ஷர்தூல் தாகூர் 29 (11), அக்சர் படேல் 22 (14) ஆகியோர் ரன்களை கடைசிவரை களத்தில் இருந்தார்கள்.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.