1649368303 pic

15 ஆவது சீசனின் நேற்றைய லீக் போட்டியில், மும்பை இந்தியன்ஸ், கொல்கத்தா நைட் ரைடர்ஸ் அணிகள் மோதின. டாஸ் வென்ற கொல்கத்தா அணியின் கேப்டன் ஷ்ரேயாஸ் ஐயர், முதலில் பந்துவீச்சை தேர்வு செய்தார். முதலில் பேட் செய்த மும்பை இந்தியன்ஸ், 20 ஓவர்களில் நான்கு விக்கெட்டுகள் இழப்பிற்கு, 161 ரன்கள் எடுத்தது. அதிகபட்சமாக சூரியகுமார் யாதவ் (52), திலக் வர்மா (38) ரன்கள் எடுத்தனர்.

பிறகு விளையாடிய கொல்கத்தா அணி, தொடக்கம் முதலே நிதானமான ஆட்டத்தை விளையாடியது. ஒரு பக்கம் வெங்கடேஷ் ஐயர் பொறுமையாக ரன்கள் சேர்க்க, மற்றொரு பக்கம் கொல்கத்தா அணி விக்கெட்டுகளை இழந்து தடுமாறியது. அதிரடியாக விளையாடுவார் என எதிர்பார்க்கப்பட்ட சாம் பில்லிங்ஸ்ஸும், ரஸ்ஸல்லும் ஆட்டமிழக்க, வெற்றி மும்பை பக்கம் திரும்பியது. 41 பந்துகளில் 61 ரன்கள் தேவை என்ற நிலையில் வந்த பேட் கம்மின்ஸ், அதிரடியாக விளையாடினார்.

கம்மின்ஸ் சாதனை:

14 பந்துகளில் அரைசதம் அடித்து, ஐபிஎல்யில் குறைந்த பந்துகளில் அரை சதம் அடித்த கே.எல்.ராகுலின் சாதனையை கம்மின்ஸ் சமன் செய்தார். இந்த அதிரடி காரணமாக, 24 பந்துகள் மீதம் இருக்கும் நிலையிலேயே கொல்கத்தா அணி, 5 விக்கெட் வித்தியாசத்தில் வெற்றி பெற்றது. அதிகபட்சமாக பேட் கம்மின்ஸ் (56), வெங்கடேஷ் ஐயர் (50) ரன்களை எடுத்தனர்.

ஷ்ரேயஸ் பேட்டி:

இதற்கு பின் பேசிய கொல்கத்தா அணியின் கேப்டன் ஷ்ரேயாஸ் ஐயர், “உண்மையில் நானும், பேட் கம்மின்ஸ் இவ்வளவு சிறப்பாக விளையாடுவார் என எதிர்பார்க்கவில்லை. அவர் என் அருகில் தான் வலைபயிற்சியில் விளையாடி கொண்டிருந்தார். அப்போது கூட நிறைய முறை அவுட் ஆனார்” என்றார் சிரித்துக்கொண்டே.

இன்னும் சிறப்பாக:

தொடர்ந்து பேசிய அவர், “நான் பேட்டிங் செய்தபோது, வெங்கடேஷிடம் பந்தை நன்றாக பார்த்து சரியான நேரத்தில் அடிக்க சொன்னேன். பிறகு நான் அவுட் ஆன போது, வெங்கடேஷ் ஐயர் நிலைத்து ஆடவேண்டும் என நான் திட்டமிட்டேன். ஆனால் அந்த திட்டத்தை செயல்படுத்துவதற்குள், கம்மின்ஸ் ஆட்டத்தையே முடித்து விட்டார். எங்கள் இரு அணிகளுக்கும் பவர்பிளேவில்பிட்ச் சமமாகவே இருந்தது. பின்னர் ஆட்டம் செல்ல செல்ல அந்த பிட்சில் நன்றாக விளையாட முடிந்தது. எங்களிடம் இருந்து இன்னும் சிறந்த ஆட்டம் வரவில்லை என்று தான் கூறுவேன். இனி வரும் நாட்களில் சிறப்பான ஆட்டத்தை வெளிப்படுத்துவோம்” என தெரிவித்தார்.

ஆட்டநாயகன் விருது, இரண்டு விக்கெட்டுகள், மற்றும் அதிரடியாக அரைசதம் அடித்து வெற்றிக்கு முக்கிய பங்காக இருந்த பேட் கம்மின்ஸ்ஸுக்கு வழங்கப்பட்டது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.