1648693875 pic

ஐபிஎல்லில் நேற்றைய ஆறாவது போட்டியில், ராயல் சேலஞ்சர்ஸ் பெங்களூர் அணி கொல்கத்தா நைட் ரைடர்ஸ் அணியை மூன்று விக்கெட் வித்தியாசத்தில் வீழ்த்தியது. டாஸ் வென்ற பெங்களூர் அணியின் கேப்டன் ஃபாஃப் டு பிளெசிஸ் முதலில் பீல்டிங் செய்ய முடிவெடுத்தார்.முதலில் பேட்டிங் செய்த கொல்கத்தா அணி, சீரான இடைவெளியில் விக்கெட்டை இழந்தது. அதிகபட்சமாக ஆண்ட்ரே ரஸ்ஸல் 25 ரன்களும், உமேஷ் யாதவ் 18 ரன்கள் என 18.5 ஓவர்களில் 128 ரன்கள் மட்டுமே எடுத்து ஆல் அவுட் ஆனது. வனிந்து ஹசரங்க சிறப்பாக பந்துவீசி 4 ஓவர்களில் 20 ரன்களை மட்டுமே விட்டு கொடுத்து 4 விக்கெட்டுகளை எடுத்தார்.

பின்னர் களம் இறங்கிய ராயல் சேலஞ்சர்ஸ் பெங்களூர் அணியும் விரைவாகவே விக்கெட்டுகளை விட தொடங்கியது. அனுஜ் ராவத், ஃபாஃப் டு பிளெசிஸ், விராட் கோலி என அடுத்தடுத்த வீரர்கள் வெளியேற, பெங்களூர் அணி 17 ரன்களுக்கு 3 விக்கெட் எடுத்து தடுமாறியது. பிறகு வந்த டேவிட் வில்லி, ஷெர்பேன் ரதர்ஃபோர்ட், ஷாபாஸ் அகமது மற்றும் தினேஷ் கார்த்திக் போன்றோரின் ஆட்டத்தால் பெங்களூர் அணி வெற்றி பெற்றது.

ஷ்ரேயஸ் பேட்டி:

இதையடுத்து பேசிய கொல்கத்தா அணியின் கேப்டன் ஷ்ரேயாஸ் ஐயர், “இந்த போட்டி உண்மையில் எங்களுக்கு உத்வேகத்தை கொடுத்தது. நாங்கள் பவுலிங் வருவதற்கு முன்பு எனது அணி வீரர்களிடம், ‘இது தான் உங்களின் குணத்தையும் அணுகுமுறையையும் காட்ட போகிறது. தோற்றாலும் சரி, சிறப்பாக விளையாடுங்கள். உங்களுக்கு தன்நம்பிக்கை வேண்டும் என்றால், இந்த ஆட்டமே அதற்கு சரியானது’ என்று கூறினேன். இந்த ஆட்டத்தை கடைசி வரை கொண்டு சென்றது மகிழ்ச்சி.

இரண்டாவது இன்னிங்ஸில் எங்களின் துவக்கம் நன்றாக இருந்தது. ஆண்ட்ரே ரஸ்ஸல் போன்ற வீரர்களின் காயம் காரணமாக, பவுலர்களை என்னால் மாற்ற முடியவில்லை. எங்களின் திட்டம் நன்றாக இருந்தது. ஆனால் செயல்படுத்தியதில் நாங்கள் தவறு செய்தோம். வெங்கடேஷ் ஐயர் சர்வதேச போட்டிகளில் விளையாடியதால் அந்த பயிற்சியை இங்கு நன்றாக பயன்படுத்தினார். ஆனால், அவர்களை சீசனின் இறுதி வரை நாங்கள் தக்கவைப்பது அவசியம். இத்தோல்வியால் நாங்கள் சோர்ந்து போக போவதில்லை. இதே மனநிலையுடன் தான் அடுத்த போட்டிக்கும் வர போகிறோம். ஹசரங்கா நன்றாக விளையாடினார். அவருக்கு என்னுடைய வாழ்த்துக்கள்” எனக் கூறினார்.

ஆட்டநாயகன் விருதை 4 ஓவர்களில் 20 ரன்களை மட்டுமே விட்டு கொடுத்து 4 விக்கெட்டுகளை எடுத்த வனிந்து ஹசரங்க பெற்றார்.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.