1649448852 pic

ஐபிஎல் 15ஆவது சீசனின் இன்றைய லீக் போட்டியில் பஞ்சாப் கிங்ஸ், குஜராத் டைடன்ஸ் அணிகள் மோதின. இதில் டாஸ் வென்ற குஜராத் அணி முதலில் பந்துவீச்சைத் தேர்வு செய்தது.பஞ்சாப் இன்னிங்ஸ்:

முதலில் களமிறங்கிய பஞ்சாப் அணியில் வழக்கம்போல கேப்டன் மயங்க் அகர்வால் 5 (9) சொற்ப ரன்களுக்கு ஆட்டமிழந்தார். இதனைத் தொடர்ந்து ஜானி பேர்ஸ்டோவும் 8 (8) பெரிய ஸ்கோர் அடிக்கவில்லை. இதனால், பஞ்சாப் அணிக்கு நெருக்கடி ஏற்பட்ட நிலையில் ஷிகர் தவன், லிவிங்ஸ்டன் இருவரும் பார்ட்னர்ஷிப் அமைத்து ரன்களை சேர்க்க ஆரம்பித்தனர். லிவிங்ஸ்டன் அதிரடி காட்ட, தவன் நிதானமாக விளையாடி வந்தார்.

நீல்கண்டே அபாரம்:

இந்நிலையில் தவன் 35 (30) ரன்கள் சேர்த்திருந்தபோது ரஷித் கான் பந்துவீச்சில் ஆட்டமிழந்து நடையைக் கட்டினார். தொடர்ந்து லிவிங்ஸ்டனுடன் ஜிதேஷ் ஷர்மா பார்ட்னர்ஷிப் அமைத்தார். இருவரும் அதிரடியாக விளையாடினர். இந்நிலையில் 13ஆவது ஓவரில் இளம் பௌலர் தர்ஷன் நீல்கண்டே வீசிய பந்தில் ஜிதேஷ் 23 (11) ஆட்டமிழந்தார். இதனைத் தொடர்ந்து அடுத்த பந்திலேயே ஓடியன் ஸ்மித்தும் 0 (1) ஆட்டமிழந்ததால், பரபரப்பு ஏற்பட்டது. இதனால், நீல்கண்டே ஹாட்ரிக் விக்கெட் எடுக்கும் வாய்ப்பு உருவான நிலையில் லிவிங்ஸ்டன் இரண்டு பவுண்டரிகளை விளாசி அசத்தினார்.

ராகுல் சஹார் மாயாஜாலம்:

தொடர்ந்து நடைபெற்ற ஆட்டத்தில், ரஷித் கான் வீசிய 15ஆவது ஓவரின் 3ஆவது பந்தில் லிவிங்ஸ்டனும் 64 (27), 5ஆவது பந்தில் ஷாருக்கானும் 15 (8) ஆட்டமிழந்தனர். இதனால், பஞ்சாப் அணியின் ஸ்கோர் வேகத்தில் தொய்வு ஏற்பட்டது. ரபாடா (1), வைபவ் அரோரா (2) ஆகியோர் சிறப்பாக விளையாடவில்லை. இறுதியில் கடைசி இரண்டு ஓவர்களில் ராகுல் சஹார் 22 (14), அர்ஷ்தீப் சிங் 10 (5) ஆகியோர் சிறப்பாக விளையாடினார்கள். இதனால், பஞ்சாப் அணி 20 ஓவர்கள் முடிவில் 189/9 ரன்களை குவித்து அசத்தியது.

ரஷித் கான் 4 ஓவர்களில் 22 ரன்களை மட்டும் விட்டுக்கொடுத்து 3 விக்கெட்களை கைப்பற்றி அசத்தினார்.

குஜராத் இன்னிங்ஸ்:

இலக்கை துரத்திக் களமிறங்கிய குஜராத் அணியில் மேத்யூ வேட் 6 (7) ரன்கள் மட்டும் சேர்த்து ரபாடா பந்துவீச்சில் நடையைக் கட்டினார். அடுத்து ஷுப்மன் கில், சாய் சுதர்ஷன் இருவரும் பார்ட்னர்ஷிப் அமைத்தார்கள். இந்நிலையில் சுதர்ஷன் 35 (30) ரன்கள் எடுத்து ராகுல் சஹார் பந்துவீச்சில் ஆட்டமிழந்தார். அடுத்து ஷுப்மன் கில்லுடன் ஹார்திக் பாண்டியா இணைந்தார். இருவரும் பந்துகளை சிறப்பாக எதிர்கொண்டதால், இறுதியில் 12 பந்துகளில் 32 ரன்கள் அடிக்க வேண்டும் என்ற நிலை வந்தது. அப்போது ரபாடா பந்துவீச்சில் ஹார்திக் இரண்டு பவுண்டரி அடித்தார். அதே ஓவரில் ஷுப்மன் கில்லும் 96 (59) ஆட்டமிழந்து ஷாக் கொடுத்தார். மொத்தம் 13 ரன்கள் சேர்ந்தது.

இறுதியில் 6 பந்துளில் 19 ரன்கள் அடிக்க வேண்டும் என்ற நிலை உருவானது. அப்போது ஓடியன் ஸ்மித் வீசிய முதல் பந்தில் டேவிட் மில்லர் பந்தை அடிக்காமல் மிஸ் செய்த நிலையில், எதிர்முனையில் இருந்த ஹார்திக் பாண்டியா ரன் ஓடினார். அந்த நேரத்தில் சுதாரித்துக்கொண்ட விக்கெட் கீப்பர் பேர்ஸ்டோ, ஸ்டெம்பை குறிவைத்து தாக்கியதால், ஹார்திக் 27 (18) ரன் அவுட் ஆனார். அடுத்து தேவத்தியா, மில்லர் களத்தில் இருந்தார்கள். தேவத்தியா ஒரு சிங்கில் எடுத்துக்கொடுக்க, மில்லர் பவுண்டரி விளாசினார். இறுதியில் 3 பந்துகளில் 13 ரன்கள் தேவைப்பட்டது. அப்போது மில்லர் சிங்கில் எடுக்க, தேவத்தியா சிக்ஸர் விளாசினார். இறுதியில் ஒரு பந்தில் 6 ரன்கள் தேவைப்பட்டது. தேவத்தியா அந்த பந்திலும் சிக்ஸர் விளாசி அசத்தினார். இதனால், குஜராத் அணி 20 ஓவர்கள் முடிவில் 190/4 ரன்கள் தேர்த்து, 6 விக்கெட்கள் வித்தியாசத்தில் வெற்றிபெற்றது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.