1649130090 pic

சன் ரைசர்ஸ் ஹைதராபாத் அணி கடந்த சீசனில் படுமோசமாக சொதப்பி தொடர்ந்து கடைசி இடத்தில் நீடித்து வந்தது.இதனால், 14ஆவது சீசனின் நடுப்பகுதியில் அந்த அணியின் கேப்டன் பதவியிலிருந்து டேவிட் வார்னர் நீக்கப்பட்டு, வில்லியம்சனுக்கு அப்பதவி கொடுக்கப்பட்டது. இந்த மாற்றத்திற்கு அணி நிர்வாகம்தான் முக்கிய காரணம் என தகவல் வெளியானது. அணி தொடர்ந்து தோல்விகளை சந்தித்து வந்தபோது, கேப்டன் வார்னரிடம் நிர்வாகம் தொடர்ந்து அதிருப்தியை வெளிப்படுத்தி வந்ததாலும், சில நேரங்களில் கண்டித்ததாலும்தான் வார்னர், நிர்வாகத்திற்கு இடையே பிரச்சினை ஏற்பட்டு, வார்னர் நீக்கப்பட்டார் என தகவல் வெளியாகியிருந்தது.

இப்படி நிர்வாகத்தின் தலையீடு இருந்ததால்தான் வார்னருடன் சேர்ந்து ரஷித் கானும் அணியை விட்டு வெளியேறியதாக கூறப்பட்டது. இந்நிலையில், 15ஆவது சீசனுக்கு முன் நடைபெற்ற மெகா ஏலத்தில் அந்த அணி முக்கிய வீரர்களை வாங்காமல் கடைசி நேரத்தில் நிகோலஸ் பூரன், எய்டன் மார்க்கரம், செய்பர்ட் போன்ற வீரர்களை வாங்கியது. அவர்கள் கடந்த இரண்டு போட்டிகளிலும் பெரிய தாக்கத்தை ஏற்படுத்தவில்லை. முதல் இரண்டு போட்டிகளிலும் தோற்றும், சன் ரைசர்ஸ் கடைசி இடத்தில் நீடித்து வருகிறது.

இந்நிலையில், முதல் போட்டியில் தோற்றபோது, அணி நிர்வாகத்தில் தலையீடு இல்லாமல் இருந்த நிலையில், இரண்டாவது போட்டியில் தோற்றபோது காவ்யா மாறன் அணி வீரர்களை வைத்து ஆலோசனை நடத்தியதாக தகவல் வெளியாகியுள்ளது. இதனால், மீண்டும் நிர்வாகத்தின் தலையீடு ஏற்பட்டு, பிரச்சினை உருவாகிவிடுமோ என்ற பயத்தில் வீரர்கள் இருப்பதாக கூறப்படுகிறது.

சன் ரைசர்ஸ் ஹைதராபாத் அணி தனது அடுத்த லீக் போட்டியில் சென்னை சூப்பர் கிங்ஸ் அணியை எதிர்கொள்ள உள்ளது. இப்போட்டி 9ஆம் தேதி நடைபெறவுள்ளது.

இரண்டு அணிகளும் இதுவரை ஒரு வெற்றியைக் கூட பதிவு செய்யவில்லை என்பதால், இப்போட்டியில் வெற்றிபெற இரண்டு அணிகளும் தீவிரமாக போராடும் எனக் கருதப்புகிறது. சிஎஸ்கே மூன்று போட்டிகளில் விளையாடி ஒரு வெற்றியைக் கூட பதிவு செய்யவில்லை. சன் ரைசர்ஸ் இரண்டு போட்டிகளில் விளையாடி ஒரு வெற்றியைக் கூட பதிவுசெய்யவில்லை என்பது குறிப்பிடத்தக்கது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.