1648580241 pic

ஐபிஎல் 15ஆவது சீசனில் 5ஆவது லீக் போட்டியில் சன் ரைசர்ஸ் ஹைதராபாத், ராஜஸ்தான் ராயல்ஸ் அணிகள் மோதின. இதில் டாஸ் வென்ற ஹைதராபாத் அணி முதலில் பந்துவீச்சைத் தேர்வு செய்தது.

புவி சொதப்பல்:

ராஜஸ்தான் ராயல்ஸ் அணியில் ஜாஸ் பட்லர், யாஷஸ்வி ஜெய்ஷ்வால் ஆகியோர் ஓபனர்களாக களமிறங்கினர். முதல் ஓவரில் புவனேஷ்வர் குமார் சிறப்பாக பந்துகளை ஸ்விங் செய்ததால் பட்லர் திணறினார். இந்நிலையில் புவி வீசிய 5ஆவது பந்தை பட்லர் அடித்தபோது ஸ்லிப் கேட்ச் ஆனாது. வீரர்கள் அனைவரும் வெற்றிக் கொண்டாட்டத்தில் இருந்தபோது, மூன்றாவது நடுவர் நோ-பால் அறிவித்து ஷாக் கொடுத்தார்.அதிரடி பேட்டிங்:

இதனைத் தொடர்ந்து ராஜஸ்தான் அணியினர் அதிரடியாக விளையாட ஆரம்பித்தார்கள். பட்லர் 35 (28), ஜெய்ஷ்வால் 20 (16) ரன்களும் சேர்த்தார்கள். அடுத்து தேவ்தத் படிக்கல் காட்டடி அடித்து பவுண்டரிகளை பறக்கவிட்ட நிலையில் 41 (29) ரன்கள் எடுத்து நடையைக் கட்டினார். இருப்பினும், மறுமுறையில் சிறப்பாக விளையாடி வந்த சாம்சன் 5 சிக்ஸர்களை விளாசி வெறும் 27 பந்துகளில் 55 ரன்கள் எடுத்து நடையைக் கட்டினார்.

இதனைத் தொடர்ந்து ஹெட்மயர், ரியான் பராக் ஆகியோர் பார்ட்னர்ஷிப் அமைத்து விளையாட ஆரம்பித்தார்கள். இந்நிலையில், கடைசி ஓவரின்போது நடராஜன் வீசிய மெர்சல் யார்க்கர் பந்துவீச்சில் ஹெட்மையர் 32 (13) ஆட்டமிழந்தார். அடுத்து பராக் தனது பங்கிற்கு 12 (9) ரன்கள் அடித்த நிலையில், ராஜஸ்தான் ராயல்ஸ் அணி 20 ஓவர்கள் முடிவில் 210/6 ரன்களை குவித்து அசத்தியது. நடராஜன் இரண்டு விக்கெட்களை கைப்பற்றினார்.

சன் ரைசர்ஸ் இன்னிங்ஸ்:

இலக்கை துரத்திக் களமிறங்கிய சன் ரைசர்ஸ் அணியில் எய்டன் மார்க்கரம் 30 (28) மட்டுமே பெரிய ஸ்கோர் அடித்தார். கேன் வில்லியம்சன் 2 (7), நிகோலஸ் பூரன் 0 (9) போன்றவர்கள் எதிர்பார்த்ததைவிட படுமோசமாக சொதப்பினார்கள். இதனால். அந்த அணி பவர் பிளேவில் 14/3 என திணறியது. இதற்முன் 2009ஆம் ஆண்டில் ராஜஸ்தான் ராயல்ஸ் பவர் பிளேவில் எடுத்த 14/2 ரன்கள்தான் மோசமான பவர் பளே ரெக்கார்ட்டாக இருந்தது.

பவர் பிளே முடிந்தப் பிறகு எய்டன் மார்க்கரம் 57 (41), ரொமாரியோ செய்பர்ட் 21 (13), வாஷிங்டன் சுந்தர் 40 (14) போன்றவர்கள் ஓரளவுக்கு ரன்களை அடித்தார்கள். இருப்பினும், வெற்றி இலக்குக்கு பாதிக்குகூட செல்ல முடியவில்லை. இறுதியில் சன் ரைசர்ஸ் அணி 20 ஓவர்களில் 149/7 ரன்கள் எடுத்து, 61 ரன்கள் வித்தியாசத்தில் தோற்றது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.