1648455569 pic

ஐபிஎல் 15ஆவது சீசன் தற்போது துவங்கி நடைபெற்று வருகிறது. இதில் இதுவரை மூன்று போட்டிகள் நடந்து முடிந்துள்ளன. முதலில் நடைபெற்ற ஆட்டத்தில் சென்னை சூப்பர் கிங்ஸ் அணியை, கொல்கத்தா அணி வீழ்த்தி அசத்தியது.இதனைத் தொடர்ந்து நேற்று இரண்டு போட்டிகள் நடைபெற்றன. இரண்டு போட்டிகளும் விறுவிறுப்பாக நடைபெற்ற நிலையில் மும்பை அணியை டெல்லி அணியும், ஆர்சிபி அணியை பஞ்சாப் அணியும் வீழ்த்தி, கெத்து காட்டியது. இப்படி லீக் போட்டிகள் முதல் கட்டத்திலேயே விறுவிறுப்பாக நடைபெற்று வரும் நிலையில், பிளே ஆஃப் சுற்றுக்கு எந்தெந்த அணிகள் முன்னேறும் என்ற எதிர்பார்ப்பு தற்போதே, ரசிகர்கள் மத்தியில் ஏற்பட்டுள்ளது.

இந்நிலையில், இந்த விஷயம் குறித்து தனியார் பத்திரிகை ஒன்றுக்குப் பேட்டியளித்த முன்னாள் வீரர் சுனில் கவாஸ்கர், ஹெய்டன் இருவரும், பிளே ஆஃப் குறித்து ஒரே மாதிரியான கணிப்புகளை வெளியிட்டனர்.

கவாஸ்கர் பேட்டி:

முதலில் பேசிய கவாஸ்கர், ‘‘மும்பை இந்தியன்ஸுக்கு வாய்ப்பு இருக்கிறது என நினைக்கிறேன். டெல்லி கேபிடல்ஸ் அணிக்கும்தான். கடந்த சில வருடங்களாகவே டெல்லி அணியின் ஆட்டம் சிறப்பாக இருந்திருக்கிறது. இதனால், இரண்டாவது அணியாக டெல்லி அணிதான் பிளே ஆஃப் சுற்றுக்கு முன்னேறும் என நம்புகிறேன்’’ என்றார்.

ஹெய்டன் பேட்டி:

மேலும் பேசிய அவர், ‘‘அடுத்து மூன்றாவது அணியாக கொல்கத்தா நைட் ரைடர்ஸ், கடைசியாக ஜடேஜா தலைமையிலான சென்னை சூப்பர் கிங்ஸ் அணியும் பிளே முன்னேற வாய்ப்புள்ளது. இந்த நான்கு அணிகளும் அடுத்தடுத்த போட்டிகளில் அதிரடியாக செயல்பட வாய்ப்புள்ளது’’ என கவாஸ்கர் கூறினார்.

இதனைத் தொடர்ந்து பேசிய மேத்யூ ஹெய்டனும், இந்த நான்கு அணிகளைத்தான் தேர்வு செய்தார். ‘‘முதல் அணியாக சிஎஸ்கே பிளே ஆஃப் செல்ல வாய்ப்புள்ளது. அடுத்து மும்பை இந்தியன்ஸ், டெல்லி கேபிடல்ஸ் அணிகளுக்கு வாய்ப்பு பிரகாசமாக இருக்கும் என நம்புகிறேன். கடைசியாக கொல்கத்தா அணி. ஒருவேளை கொல்கத்தா பிளே ஆஃப் செல்லவில்லை என்றால், ஆர்சிபி அணிதான் செல்லும்’’ எனத் தெரிவித்தார்.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.