முதலில் களமிறங்கிய தமிழ்நாடு அணி, துவக்கம் முதலே காட்டடி அடிக்க துவங்கியதால் ஸ்கோர் கிடுகிடுவென உயரத் துவங்கியது. கர்நாடகா பௌலர்கள் எந்த இடத்திலும் ஆதிக்கம் செலுத்தவில்லை. இதனால், நெருக்கடி இல்லாமல் விளையாடிய ஓபனர் ஜெகதீசன் 101 பந்துகளில் 102 ரன்கள் குவித்து அசத்தினார். இதனைத் தொடர்ந்து சாய் கிஷோர் 61 (71), தினேஷ் கார்த்திக் 44 (37), இந்திரஜித் 31 (24) ஆகியோரும் ரன் மழை பொழிந்தனர்.
இறுதியில் பினிஷர் ஷாருக்கான் 39 பந்துகளில் 7 பவுண்டரி, 6 சிக்ஸர்கள் உட்பட 79 ரன்கள் குவித்து கடைசிவரை களத்தில் இருந்தார். இதனால், தமிழ்நாடு அணி 50 ஓவர்கள் முடிவில் 354/8 ரன்களை குவித்து அசத்தியது.
பிரவின் துபே 3/67, பிரசித் கிருஷ்ணா 2/57 ஆகியோர் ஓரளவுக்கு சிறந்த பந்துவீச்சை பதிவு செய்தனர்.
ரவி சாஸ்திரி சொன்ன அந்த ‘ஒரு வார்த்தை’…அப்படியே நொறுங்கிட்டேன்: வலியை பகிர்ந்த அஸ்வின்!
கர்நாடகா அணி:
மெகா இலக்கை துரத்திக் களமிறங்கிய தமிழ்நாடு அணியில் ஒருவர் கூட பெரிய ஸ்கோர் அடிக்கவில்லை. அதிகபட்சமாக ஸ்ரீநிவாஸ் சரத் 43 (65) ரன்கள் அடித்தார். அடுத்து அபினவ் மனோகர் 34 (32) தனது பங்கிற்கு ரன்களை சேர்த்தார். மற்றவர்கள் வந்த வேகத்தில் நடையைக் கட்டியதால், கர்நாடகா அணி 39 ஓவர்கள் முடிவில் 203/10 ரன்களை மட்டும் சேர்த்து, 151 ரன்கள் வித்தியாசத்தில் படுதோல்வியைச் சந்தித்தது. வெற்றிபெற்ற தமிழ்நாடு அணி அரையிறுதிக்கு முன்னேறியுள்ளது. வாஷிங்டன் சுந்தர் 3/43, சிலம்பரசன் 4/36 ஆகியோர் சிறந்த பந்துவீச்சை வெளிப்படுத்தியிருந்தார்கள்.
கர்நாடகா அணி இப்படி தமிழ்நாடு அணியிடம் நாக்அவுட் சுற்றில் தோற்பது இது முதல்முறையல்ல. இதற்குமுன் சையத் முஷ்டாக் அலி டி20 தொடரின் இறுதிப் போட்டியிலும் தமிழ்நாடு அணியில் பலத்த அடி வாங்கி, தோற்றது என்பது குறிப்பிடத்தக்கது.
