1648909964 pic

ஐபிஎல் 15ஆவது சீசனின் 9ஆவது லீக் போட்டியில் மும்பை இந்தியன்ஸ், ராஜஸ்தான் ராயல்ஸ் அணிகள் மோதின. இதில் டாஸ் வென்ற மும்பை இந்தியன்ஸ் அணி முதலில் பந்துவீச்சைத் தேர்வு செய்தது.ராஜஸ்தான் இன்னிங்ஸ்:

முதலில் களமிறங்கிய ராஜஸ்தான் ராயல்ஸ் அணியில் யாஷஸ்வி ஜெய்ஷ்வால் 1 (2), தேவ்தத் படிக்கல் 7 (7) ஆகியோர் பெரிய ஸ்ஓர் அடிக்காமல் ஆட்டமிழந்தனர். இதனைத் தொடர்ந்து பட்லர், சஞ்சு சாம்சன் இருவரும் பார்ட்னர்ஷிப் அமைத்தார்கள்.

இருவரும் தொடர்ந்து காட்டடி அடித்ததால், ஸ்கோர் கிடுகிடுவென உயர துவங்கியது. குறிப்பாக, பேசில் தம்பி வீசிய ஓவரில் பட்லர் 26 ரன்களை பறக்கவிட்டு கெத்து காட்டினார். இருவரும் சிறப்பாக விளையாடி வந்த நிலையில் சாம்சன் 21 பந்துகளில் 30 ரன்கள் அடித்து, பொல்லார்ட் பந்துவீச்சில் ஆட்டமிழந்தார்.

அடுத்து பட்லருடன், ஹெட்மையர் இணைந்தார். அப்போது பட்லரைப் போல பொல்லார்ட் வீசிய 17ஆவது ஓவரில் ஹெட்மையர் 26 ரன்களை பறக்கவிட்டார். இதனால், மும்பை அணி 17 ஓவர்கள் முடிவில் 170 ரன்களை குவித்து அசத்தியது. பட்லரும் 98 ரன்களுக்கு நகர்ந்தார். தைமல் மில்ஸ் வீசிய 18ஆவது ஓவரில் ஹெட்மையர் ஒரு சிக்ஸர், பவுண்டரி அடித்த நிலையில், பட்லர் கடைசி பந்தில் ஒரு ரன் மட்டும் அடித்து, ஸ்ட்ரைக்கை தக்கவைத்தார்.

அடுத்து, பும்ரா வீசிய 19ஆவது ஓவரின் முதல் பந்தில், பட்லர் சிங்கில் எடுத்த நிலையில் ரோஹித் ஷர்மா DRS எடுத்தார். நாட்அவுட் என வந்த நிலையில், பட்லர் சதத்தை கொண்டாட ஆரம்பித்தார். தொடர்ந்து அடுத்த பந்திலேயே ஹெட்மையர் 35 (14) திலக் வர்மாவிடம் கேட்ச் கொடுத்து ஆட்டமிழந்த நிலையில், அதே ஓவரில் பும்ராவின் துல்லியமான யார்க்கரில் பட்லர் 100 (68) ஆட்டமிழந்தார். 11 பவுண்டரிகளும், 5 சிக்ஸர்களும் பட்லரின் பேட்டில் இருந்து வந்தது. அந்த ஓவரில் மூன்று ரன்கள் மட்டுமே எடுக்க முடிந்தது. கடைசி ஓவரை வீசிய தைமல் மில்ஸ் 8 ரன்களை மட்டும் விட்டுக்கொடுத்த நிலையில், ராஜஸ்தான் ராயல்ஸ் 193/8 ரன்களை குவித்து அசத்தியது.

மும்பை இன்னிங்ஸ்:

இலக்கை துரத்திக் களமிறங்கிய மும்பை இந்தியன்ஸ் அணியில் ரோஹித் ஷர்மா 10 (5), அன்மொல்பிரீத் சிங் 5 (4) ஆகியோர் பெரிய ஸ்கோர் அடிக்கவில்லை. இதனைத் தொடர்ந்து இஷான் கிஷன், திலக் வர்மா ஆகியோர் பார்ட்னர்ஷிப் அமைத்தார்கள். இதனால், மும்பை இந்தியன்ஸ் அணியின் வெற்றி வாய்ப்பு அதிகரித்து காணப்பட்ட நிலையில் இஷான் கிஷன் 54 (43), திலக் வர்மா 61 (33) ஆகியோர் அடுத்தடுத்து ஆட்டமிழந்தனர். அடுத்து டிம் டேவிட்டும் 1 (3) ஏமாற்றினார்.

அடுத்து கெய்ரன் பொல்லார்டும் 22 (22) சிறப்பாக சோபிக்கவில்லை. இறுதியில் மும்பை இந்தியன்ஸ் அணி 170/8 ரன்களை மட்டும் சேர்த்து, 24 ரன்கள் வித்தியாசத்தில் தோற்றது.

வர்மா சாதனை:

திலக் வர்மா அரை சதம் விளாசியதன்மூதல், மும்பை இந்தியன்ஸ் அணிக்காக குறைந்த வயதில் (19 வருசம், 145 நாட்கள்) அரைசதம் எடுத்த வீரராக மாறியுள்ளார். இதற்குமுன் இஷான் கிஷன் (19 வருசம், 278 நாட்கள்) முதலிடத்தில் இருந்தார் என்பது குறிப்பிடத்தக்கது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.