1649063951 pic

ஐபிஎல் 15ஆவது சீசனின் நேற்றைய ஆட்டத்தில் சென்னை சூப்பர் கிங்ஸ், பஞ்சாப் கிங்ஸ் அணிகள் மோதின. இதில் பஞ்சாப் கிங்ஸ் அணியில் ஜிதேஷ் ஷர்மா, வைபவ் அரோரா ஆகிய இரண்டு புதுமுக வீரர்கள் இடம்பெற்றனர்.இருவரும் ஐபிஎலுக்கு புதிது என்பதால், இவர்கள் மீது எதிர்பார்ப்பு இருந்தது. இந்நிலையில் முதலில் களமிறங்கிய பஞ்சாப் அணியில் ஜிதேஷ் ஷர்மா 17 பந்துகளில் 3 சிக்ஸர் விளாசி 26 ரன்கள் குவித்து ஓரளவுக்கு சிறந்த ஆட்டத்தை வெளிப்படுத்தினார். அந்த அணியில் லிவிங்ஸ்டன் (60), ஷிகர் தவன் (33) ஆகியோர் ஓரளவுக்கு ரன்களை சேர்த்ததால், 20 ஓவர்கள் முடிவில் 180/8 ரன்களை குவித்து அசத்தினார்கள்.

இதனைத் தொடர்ந்து இலக்கை துரத்திக் களமிறங்கிய சிஎஸ்கேவுக்கு எதிராக அறிமுக வீரர் வைபவ் அரோரா முதல் ஓவரைவீச வந்தார். இவருக்கு முதல் ஓவர் கொடுக்கப்பட்டது ஆச்சரியமாகத்தான் இருந்தது. இந்நிலையில் வைபவ் அபாரமாக பந்துகளை ஸ்விங் செய்து, பிரமிக்க வைத்தார். குறிப்பாக தீபக் சஹாரைப் போல இன் ஸ்விங், அவுட் ஸ்விங் இரண்டையும் வீசி பட்டையைக் கிளப்பினார். இவரது பந்துகளை எதிர்கொள்ள முடியாமல் பேட்ஸ்மேன்கள் திணறினார்கள். பவர் பிளேவிலேயே ராபின் உத்தப்பா, மொயின் அலி ஆகியோரது விக்கெட்களை வீழ்த்தி கெத்து காட்டினார்.

இறுதியில் 21 ரன்களை மட்டும் விட்டுக்கொடுத்து, 2 விக்கெட்களோடு தனது 4 ஓவர்கள் கோட்டவை பூர்த்தி செய்தார். இப்படி அபார திறமைமிக்க இளம் வீரரை பஞ்சாப் அணி எப்படி கண்டுபிடித்து அணிக்குள் கொண்டு வந்தது என்பது குறித்து, அந்த அணியின் ஓபனர் ஷிகர் தவன் பேசியுள்ளார்.

தவன் பேட்டி:

தனியார் பத்திரிகை ஒன்றுக்குப் பேட்டிகொடுத்த அவர், “பயிற்சிக்கு முன்புவரை வைபவ் பந்துவீச்சு குறித்து எங்களுக்கு தெரியாது. அவர் ஒரு சாதரான பௌலராகத்தான் இருப்பார் எனக் கருதினோன். ஆனால், பயிற்சியின்போது அவரது பந்துவீச்சு வேற லெவலில் இருந்தது” எனக் கூறினார்.

மேலும் பேசிய அவர், “உண்மையில், பயிற்சியின்போது எந்த பேட்ஸ்மேனாலும் வைபவுக்கு எதிராக தொடர்ந்து சிறப்பாக விளையாட முடியவில்லை. நானும்கூட திணறினேன். இப்படி அவர் சிறப்பாக செயல்பட்டு நம்பிக்கையை பெற்றதால்தான், விரைவிலேயே லெவன் அணியில் வாய்ப்பு கிடைத்தது. இனி வரும் போட்டிகளிலும் அவர் சிறப்பாக செயல்படுவார் என்ற நம்பிக்கை இருக்கிறது” எனத் தெரிவித்தார்.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.