1648602182 pic

2013ஆம் ஆண்டில் ஐபிஎலில் அறிமுகமான ஜஸ்பரித் புராம், தனது முதல் ஓவரிலேயே விராட் கோலி விக்கெட்டை எடுத்துக் கொடுத்து, இந்திய அளவில் கவனம் பெற்றார். பௌலிங் ஆக்ஷனும் புதிதாக இருந்தது. துல்லியமான யார்க்கர்களை வீசி, முதல் போட்டியிலேயே மூன்று விக்கெடைகளை சாய்த்தார்.அதற்குமுன், குஜராத் அணியில் பார்த்திவ் படேல் தலைமையில்தான் பும்ரா விளையாடி வந்தார். இதனால், பும்ராவின் திறமை பார்த்திவுக்கு தெரிந்தது. இதனால், இவரை எப்படியாவது ஆர்சிபி அணிக்குள் கொண்டு வர வேண்டும் என்பதற்காக, 2014ஆம் ஆண்டில் ‘பும்ரா என்பவர் தனித்திறமையோடு இருக்கிறார்’ என பார்த்திவ் கோலியிடம் தெரிவித்திருக்கிறார். இதற்கு கோலி, ‘அதை விடுங்க..அத்தகைய வீரரால் என்ன செய்ய முடியும்?’ என கேள்வி கேட்டிருக்கிறார். அதன்பிறகு பார்த்திவ் படேல் அந்த விஷயத்தை பற்றி பேசவில்லையாம்.

காரணம் இதுதான்:

கோலி இப்படி மட்டம் தட்டி பேசியதற்கு காரணமும் இருக்கிறது. பும்ரா 2013-ல் ஐபிஎலில் அறிமுகமானபோது முதல் போட்டியில் மட்டும்தான் சிறப்பாக விளையாடி 3 விக்கெட்களை எடுத்திருந்தார். அதன்பிறகு சிறப்பாக விளையாடவில்லை. இதனால், ரஞ்சிக் கோப்பையில் பங்கேற்று தனது திறமையை நிரூபிக்க வேண்டிய கட்டாயத்தில் இருந்தார். இருப்பினும், 2013 சீசனில் படுமோசமாக சொதப்பினார். விக்கெட்களை அவ்வளவாக எடுக்கவில்லை. இதனால்தான், பார்த்திவ் படேலிடம் கோலி அப்படி பேசியிருப்பார் எனக் கருதப்படுகிறது.

நல்ல முன்னேற்றம்:

2013-ல் பும்ரா சொதப்பியிருந்தாலும்கூட மும்பை இந்தியன்ஸ், இவரை கைவிட்டுவிடவில்லை. அடுத்த சீசனிலும் வாய்ப்பு கொடுத்தது. அதிலும் சிறப்பாக சோபிக்கவில்லை. அடுத்து 2015ஆம் ஆண்டில்தான் அதிரடியாக விளையாடி ஸ்டார் பௌலராக அவதாரம் எடுத்தார். இதனால், அந்த வருடமே இந்திய அணியிலும் இடம் கிடைத்தது. அப்போதுமுதல் பும்ராவுக்கு நல்ல காலம்தான். தொடர்ந்து விக்கெட் மழை பொழிந்து, தற்போது உலகத்தரமிக்க பௌலராக திகழ்ந்து வருகிறார்.

குறிப்பாக, கடந்த சில வருடங்களாகவே இந்திய அணிக்காகவும், ஐபிஎல் தொடரிலும் சிறப்பாக செயல்பட்டு மேட்ச் வின்னராக இருந்து வருகிறார்.

இவர் இதுவரை மொத்தம் 107 ஐபிஎல் போட்டிகளில் பங்கேற்று 130 விக்கெட்களை சாய்த்துள்ளார். அதேபோல், இந்திய அணிக்காக 57 டி20 போட்டிகளில் 67 விக்கெட்களை வீழ்த்தியுள்ளார் என்பது குறிப்பிடத்தக்கது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.