1648664616 pic

ஆர்சிபி அணியின் முன்னாள் வீரர் ஏபி டி வில்லியர்ஸ், இந்த ஆண்டு விராட் கோலி ஐபிஎல்லில் 600 ரன்களுக்கு மேல் எடுப்பார் என தெரிவித்துள்ளார்.ஏபி டி வில்லியர்ஸ் சமீபத்தில் அனைத்து விதமான கிரிக்கெட்டிலிருந்தும் ஓய்வு பெறுவதாக அறிவித்தார். அவர் ஐபிஎல்யில் ராயல் சேலஞ்சர்ஸ் பெங்களூர் அணிக்காக விளையாடி பல முக்கிய போட்டிகளில் வெற்றியை தேடி தந்துள்ளார். அவர் இல்லாதது நிச்சயம் அந்த அணிக்கு பெரும் இழப்பாக தான் இருக்கும். அவரின் இடத்தை நிரப்ப ராயல் சேலஞ்சர்ஸ் பெங்களூர் அணியும் ஃபாஃப் டு பிளெசிஸ்ஸை ஏலத்தில் எடுத்து கேப்டனாகவும் நியமித்தது.

விராட் கோலி சமீப காலமாக ரன்களை பெரிதாக அடிக்கவில்லை. அவர் இறுதியாக சதம் அடித்து இரண்டரை வருடங்கள் ஆகிறது. அவர் சில காலமாக கடினமான கட்டத்தில் இருந்துவருகிறார்.

இந்நிலையில் ஏபி டி வில்லியர்ஸ், நல்ல பார்மில் இருந்த பழைய கோலியை இந்த ஆண்டு ஐபிஎல்யில் பார்க்க எதிர்நோக்கி காத்துக்கொண்டுள்ளார்.

டிவிலியர்ஸ் பேட்டி:

இதை பற்றி சமீபத்தில் ஒரு பேட்டியில் பேசிய அவர், “ஆர்சிபி அணிக்கு ஃபாஃப் டு பிளெசிஸ் கேப்டனாக நியமிக்கப்பட்டிருப்பது அனைவருக்கும் தெரியும். விராட் கேப்டனாக இல்லாதது மகிழ்ச்சியை தான் கொடுக்கிறது. அவருக்கு இனி அழுத்தம் அதிகமாக இருக்காது. அவர் இனி சுதந்திரமாக அவருடைய விளையாடுவார். விராட்டிடம் இருந்து ஒரு பெரிய சீசனை எதிர்பார்க்கிறேன். இந்த ஆண்டு அவர் 600+ ரன்களை நிச்சயம் எடுப்பார் என நினைக்கிறேன்” எனக் கூறினார்.

மேலும் பேசிய அவர், “கோலிக்கு எப்போது தேவைப்பட்டாலும் ஃபாஃப் டு பிளெசிஸ் உடன் இருப்பார். ஃபாஃப் டு பிளெசிஸ் மிகவும் திறமையான அனுபவமிக்க வீரர். அவருக்கு நல்ல பயிற்சி உள்ளதால், கோலியையும், மற்ற வீரர்களையும் அவர்களின் விருப்பப்படி சுதந்திரமாக விளையாட அனுமத்திப்பார். இந்த ஆண்டு ஆர்சிபி அணியிலிருந்து என்ன எதிர்பார்ப்பது என எனக்கு தெரியவில்லை. ஆனால், ஆர்சிபி அணியில் இருந்து இந்த ஐபிஎல்லில் சில வீரர்கள் சிறந்த ஆட்டத்தை கொடுத்து பெரிதாக உயர்வார்கள் என்று நான் எதிர்பார்க்கிறேன்” எனத் தெரிவித்தார்.

விராட் கோலி, அவர் விளையாடிய முதல் போட்டிகளில் பஞ்சாபிற்கு எதிராக 29 பந்துகளில் 41 ரன்களும், கொல்கத்தாவிற்கு எதிரான ஆட்டத்தில் 12 ரன்களையும் எடுத்தார் என்பது குறிப்பிடத்தக்கது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.