1648440870 pic

ஐபிஎல் 15ஆவது சீசனில் மூன்றாவது லீக் போட்டியில் ராயல் சேலஞ்சர்ஸ் பெங்களூர், பஞ்சாப் கிங்ஸ் அணிகள் மோதின. இதில் டாஸ் வென்ற பஞ்சாப் கிங்ஸ் அணி, பந்துவீச்சைத் தேர்வு செய்தது. ஆர்சிபி கேப்டன் டூ பிளஸி, பஞ்சாப் கேப்டன் மயங்க் அகர்வால் இருவரும் ஐபிஎல் கேப்டன்ஸிக்கு புதியவர்கள் என்பதால், இருவர் மீதும் பெரும் எதிர்பார்ப்பு இருந்தது.டூ பிளஸி அதிரடி:

இந்நிலையில், முதலில் களமிறங்கிய ஆர்சிபி அணியில் ஓபனர்களாக டூ பிளஸி, விராட் கோலி ஆகியோர் இருப்பார்கள் என்றுதான் எதிர்பார்க்கப்பட்டது. கடந்த சீசனில் கோலி ஓபனராகத்தான் இருந்தார். மேலும், பத்திரிகையாளர் சந்திப்பில் பேசியபோதுகூட, ஆர்சிபியில் ஓபனராகத்தான் இருப்பேன் எனத் தெரிவித்திருந்தார். இந்நிலையில் டூ பிளஸியுடன் கோலி ஓபனராக இல்லாமல் இளம் வீரர் அனுஜ் ராவத் ஓபனராக களமிறங்கினார்.

துவக்கமே இப்படியா?

இதனால், கோலிக்கு பெரும் ஏமாற்றம் ஏற்பட்டிருக்கும் என கிரிக்கெட் விமர்சகர்கள் கருதுகிறார்கள். காரணம், கடந்த இரண்டு சீசன்களிலும் ஓபனராக இருந்ததால், இம்முறையும் புது கேப்டன் டூ பிளஸி தனது இடத்தை மாற்ற மாட்டார் என்றுதான் கோலி நினைத்திருப்பார். ஆனால், அதிரடியாக முதல் போட்டியிலேயே கோலி ஓபனருக்கான இடத்திலிருந்து கீழ் இறக்கப்பட்டு, ஒன் டவுன் இடத்திற்கு சென்றுள்ளார்.

களத்திலும்:

பீல்டிங் செய்தபோதும் கோலியுடன் டூ பிளஸி அவ்வளவாக ஆலோசனைகளை கேட்கவில்லை. குறிப்பாக, கடைசி கட்டத்தில், நெருக்கடியாக நேரத்திலும்கூட புது கேப்டன் டூ பிளஸி, சீனியர் வீரர், முன்னாள் கேப்டன் கோலியிடம் ஆலோசனை கேட்கவில்லை. தன்னுடைய திட்டத்தை மட்டுமே செயல்படுத்தி வந்தார். கோலி கேப்டன் பதவியிலிருந்து நீக்கப்பட்டாலும், ஆலோசகராக இருந்து அணியை வழிநடத்துவார் என்றுதான் ரசிகர்கள் எதிர்பார்த்தனர். மேலும், கடைசி கட்டத்தில் டூ பிளஸி ஆலோசனை கேட்டிருந்தால், கோலி மறுத்திருக்க மாட்டார். தன்னுடைய அனுபவத்தை வைத்து சில திட்டங்களை கூறியிருப்பார்.

ஆனால், டூ பிளஸி அப்படி செயல்படவில்லை. இதனால், ஆர்சிபி அணி 20 ஓவர்களில் 205 ரன்கள் அடித்தும், பயனற்றதாக மாறியது. ஆம், மெகா இலக்கை துரத்திக் களமிறங்கிய பஞ்சாப் கிங்ஸ் அணி 19 ஓவர்களில் இலக்கை துரத்தி அபார வெற்றியைப் பெற்றது. ஓடியன் ஸ்மித் கடைசி கட்டத்தில் 8 பந்துகளில் 3 சிக்ஸர், ஒரு பவுண்டரியுடன் 25 ரன்கள் அடித்து, வெற்றிக்கு காரணமாக இருந்தார். இதனால் இவருக்கு, ஆட்டநாயகன் விருது வழங்கப்பட்டது.

ஆர்சிபி அணி முதல் போட்டியில் தோற்றதை அடுத்து, கோலியை அணியின் ஆலோசகராக நியமிக்க வேண்டும் என ரசிகர்கள் வேண்டுகோள் விடுத்து வருகிறார்கள் என்பது குறிப்பிடத்தக்கது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.