1649496512 pic

ஐபிஎல் 15ஆவது சீசன் விறுவிறுப்பாக நடைபெற்று வருகிறது. இந்த சீசனில் புதிதாக இணைந்துள்ள லக்னோ, குஜராத் அணிகள் அபாரமாக விளையாடி, வெற்றிகளை குவித்து வரும் நிலையில் 5 முறை சாம்பியனை கைப்பற்றி டான் அணியாக திகழ்ந்து வந்த மும்பை இந்தியன்ஸ் படுமோசமாக சொதப்பி வருகிறது.மும்பை இந்தியன்ஸ் இதுவரை விளையாடிய மூன்று போட்டிகளிலும் தோல்வியை சந்தித்துள்ளது. அடுத்த போட்டியிலும் தோற்றால் பிளே ஆஃப் வாய்ப்பு கேள்விக்குறியாகும் நிலை ஏற்படும்.

பலவீனம்:

அந்த அணியில் பேட்ஸ்மேன்கள் எல்லாம் சிறப்பாகத்தான் விளையாடி வருகிறார்கள். இருப்பினும் பந்துவீச்சுதான் மிகவும் சுமாராக இருக்கிறது. நட்சத்திர பௌலர் ஜோப்ரா ஆர்ச்சரை அவர்கள் வாங்கியிருந்தாலும், காயம் காரணமாக அடுத்த சீசன் முதல்தான் களமிறங்க உள்ளார். தைமல் மில்ஸ், பாசில் தம்பி, டேனியல் சாம்ஸ் போன்றவர்கள் சொதப்பல் பந்துவீசுவதால், பும்ராவும் நெருக்கடியில் பந்துவீசி, சில நேரங்களில் அதிக ரன்களை விட்டுக்கொடுத்து வருகிறார்.

குறிப்பாக பாசில் தம்பி, சாம்ஸ் இருவரும்தான் தொடர்ந்து அதிக ரன்களை விட்டுக்கொடுத்து வருகிறார்கள். இந்த இருவரையும் நம்பி களமிறங்குவது என்பது சற்று யோசிக்க வேண்டிய விஷயம்தான். இந்நிலையில் தற்போது பத்திரிகை ஒன்றுக்குப் பேட்டிகொடுத்துள்ள முன்னாள் வீரர் விரேந்தர் சேவாக், மும்பை அணியின் பந்துவீச்சு துறையில் மாற்றம் கொண்டுவர வேண்டும் எனத் தெரிவித்துள்ளார்.

சேவாக் பேட்டி:

“மும்பை அணியின் பெஞ்ச் வலிமை சிறப்பாக இருக்கிறது எனக் கருதுகிறேன். வெளியில் அமர வைக்கப்பட்டுள்ளவர்களில் சிலரை ஆட வைப்பது குறித்து நிர்வாகம் கண்டிப்பாக யோசிக்க வேண்டும். மயங்க் மார்கண்டே, ஜெய்தேவ் உனாத்கட், ரிலே மெரிடித், அர்ஷித் கான், சஞ்சய் யாதவ், அர்ஜுன் டெண்டுல்கர் போன்றவர்கள் திறமையானவர்கள்தான். இவர்களில் ஒருவரை பாசில் தம்பி அல்லது டேனியல் சாம்ஸுக்கு மாற்றாக ஆட வைக்கலாம். பவர் பிளேவில் 3 ஓவர்களை வீச ஆட்களே இல்லாமல் மும்பை தவித்து வருகிறது” எனக் கூறினார்.

மேலும் பேசிய அவர், “இடது கை வேகப்பந்து வீச்சாளர் ஜெய்தேவ் உனாத்கட், ஐபிஎலில் ஹாட்ரிக் விக்கெட்டை வீழ்த்தியவர். ஒருகாலத்தில் இவருக்கு அதிக மவுசு இருந்தது. தற்போது ஆடும் லெவனில் கூட இடம் கிடைக்காமல் இருக்கிறார். இவர் நல்ல பார்மில்தான் இருக்கிறார். இவரை சேர்த்தால் பும்ராவுடன் பார்ட்னர்ஷிப் அமைத்து சிறப்பாக பந்துவீசுவார். மேட்ச் வின்னராக கூட சில போட்டிகளில் இருப்பார். இவரால் வெற்றிகளை பெற்றுத்தர முடியும் என நினைக்கிறேன். மும்பை இதுகுறித்து பரிசீலனை செய்ய வேண்டும்” எனத் தெரிவித்தார்.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.