LOL எங்க சிரி பார்ப்போம் நிகழ்ச்சியில் கலந்து கொண்ட ஆர்த்தி, மாயா கிருஷ்ணன், அபிஷேக் ஆகியோர் சின்ன கலைவாணர் விவேக் பற்றி பெருமையாக பேசியுள்ளனர்.

விவேக்

அமேசான் பிரைமில் ஆகஸ்ட் 27ம் தேதி வெளியாகவிருக்கும் நிகழ்ச்சி LOL எங்க சிரி பார்ப்போம். சின்ன கலைவாணர் விவேக், அகில உலக சூப்பர் ஸ்டார் சிவா ஆகியோர் சேர்ந்து தொகுத்து வழங்கியிருக்கிறார்கள். விவேக் கடைசியாக தொகுத்து வழங்கிய நிகழ்ச்சி இது தான். காமெடியில் அசால்ட் பண்ணும் அவர், ஓடிடி தள நிகழ்ச்சியை தொகுத்து வழங்குவதை நினைத்து முதலில் டென்ஷன் ஆனாராம்.

ஆர்த்தி

விவேக்குடன் சேர்ந்து 13 படங்களில் நடித்த ஆர்த்தி, சின்ன கலைவாணர் பற்றி நம்மிடம் கூறியதாவது, விவேக் சார் தான் இந்த நிகழ்ச்சியின் பலமே. நிகழ்ச்சியை பார்க்கும்போது அவர் தற்போது நம்முடன் இல்லை என்கிற உணர்வே இருக்காது. செட்டில் அவ்வளவு எனர்ஜியுடன், பாசிட்டிவாக இருந்தார். போட்டியாளர்கள் அனைவரையும் ஊக்குவித்தார் என்றார்.

அபிஷேக்

அபிஷேக் கூறியதாவது, ஆர்த்தியாவது விவேக் சாருடன் சேர்ந்து படங்களில் நடித்திருக்கிறார். ஆனால் நான் அவரை பார்த்ததுமே எப்படி பெர்ஃபார்ம் பண்ணப் போகிறோம்னு என்று பதட்டமானேன். அவரோ அசால்டா ஊக்கமளித்தார். தான் ஒரு சீனியர் என்கிற பந்தாவே இல்லாமல் போட்டியாளர்களாகிய எங்கள் அனைவருக்கும் உறுதுணையாக இருந்தார் என்றார்.

மாயா

மாயா கூறியதாவது, விவேக் சார் ரொம்ப பாசிட்டிவாக இருந்தார். அவரின் எனர்ஜி வேற லெவல். போட்டியாளர்களாகிய நாங்கள் சிரிக்காமல் இருப்பது தான் கஷ்டமே. அதிலும் பவர் ஸ்டாரை எல்லாம் பார்த்தாலே சிரிப்பு வரும். அவரும் ஒரு போட்டியாளர் என்றால் சிரிப்பை அடக்குவது ரொம்ப கஷ்டம் என்றார்.