கேப்டன் ஆகும் ஷாஹீன் அப்ரீதி…அதிகாரப்பூர்வ அறிவிப்பை வெளியிட்ட நிர்வாகம்!
அடுத்த டி20 உலகக் கோப்பை தொடர், வரும் ஆண்டில் ஆஸ்திரேலியாவில் நடைபெறவுள்ளது. இதில் ரோஹித் ஷர்மா தலைமையிலான இந்திய அணி பங்கேற்று விளையாட உள்ளது. அமீரகத்தில் சொதப்பியதுபோல், ஆஸ்திரேலியாவிலும் சொதப்பிவிடுமோ என்ற பயத்தில் ரசிகர்கள் இருக்கிறார்கள். இந்நிலையில் தற்போது பத்திரிகை ஒன்றுக்குப் பேட்டிகொடுத்துள்ள வாசிம் அக்ரம், இந்திய அணி இந்த விஷயத்தை செய்தால், சிறப்பாக விளையாடும் எனத் தெரிவித்துள்ளார்.
வாசிம் அக்ரம் பேட்டி:
“இந்திய அணி வீரர்கள் ஐபிஎலை தவிர, மற்ற நாடுகளில் நடைபெறும் லீக் தொடர்களில் பங்கேற்று விளையாடுவது கிடையாது. கரீபியன் பிரிமியர், பிக் பாஷ் லீக் போன்ற தொடர்களில் விளையாடினால், வெவ்வேறு கண்டிஷன், பிட்ச்களில் விளையாடும் வாய்ப்பு கிடைக்கும். சில திறமையான, வித்தியாசமான பௌலர்களையும் எதிர்கொண்டு விளையாட முடியும். இதற்காக ஐபிஎலை நான் குறைத்து மதிப்பிடுகிறேன் என நினைக்க வேண்டாம். அது உலகின் நம்பர் 1 லீக் தொடர்தான். இந்திய வீரர்கள் மற்ற லீக் தொடர்களிலும் விளையாடினால் இன்னும் அதிக அனுபவம் கிடைக்கும்” எனக் கூறினார்.
இந்திய வீரர்கள், இந்திய அணியிலிருந்து ஓய்வு பெற்றால் மட்டுமே வேறு நாடுகளில் நடைபெறும் லீக் தொடர்களில் பங்கேற்று விளையாட முடியும் என்ற விதிமுறை இருக்கிறது. பிசிசிஐயில் பதிவுசெய்த வீரர்கள் விளையாட முடியாது. இந்த விதிமுறையை தளர்த்தினால், வீரர்களுக்கு இன்னும் அதிகமான அனுபவம் கிடைக்கும் என்றுதான் அக்ரம் கூறுகிறார்.
