இன்னிங்ஸை முடித்தாலும் அல்லது ஸ்டம்புகளுக்குப் பின்னால் விரைவான விக்கெட் கீப்பிங்கை வழங்கினாலும், தினேஷ் கார்த்திக் களத்தில் இருக்கும் போது ஒருபோதும் ஏமாற்றமளிக்க மாட்டார். விமர்சகர்கள் அவரை முடிந்து விட்டார் என்று கூறலாம். ஆனால் ஆனால் கடந்த 2 போட்டிகளிலும் பேட்டிஙில் அருமையாக பினிஷ் செய்தார். நேற்று அவர் 7 பந்துகளில் ஆட்டமிழக்காமல் 14 ரன்கள் எடுத்ததன் மூலம் ராயல் சேலஞ்சர்ஸ் பெங்களூர் (RCB) இந்தியன் பிரீமியர் லீக் (IPL) 2022 இல் கொல்கத்தா நைட் ரைடர்ஸை (KKR) 3 விக்கெட் வித்தியாசத்தில் தோற்கடித்து முதல் புள்ளிகளைப் பெற உதவியது.RCB இன் 129 ரன்களை துரத்துவது எளிதாக இருந்தது, அவர்களின் பேட்டிங் வரிசை பலம் என்பதால் 128 ரன்களை கொல்கத்தாவினால் ஒருநாளும் தடுக்க முடியாது. ஆனால் வழக்கமான விக்கெட்டுகளை விழாமல் அந்த அணியால் கட்டுப்படுத்த முடியாததால் முதல் வெற்றியைத் தேடுவது சிரமமானது கார்த்திக் ஏழாவது இடத்திற்கு வரும் வரை ஆர்சிபி நிலை கொஞ்சம் சிக்கல்தான். மேலும் துரத்தலை ஒரு நல்ல இன்னிங்ஸ் மூலம் முடித்தார் தினேஷ் கார்த்திக் கடைசி ஓவரில் 7 ரன்கள் தேவைப்பட்ட நிலையில், 36 வயதான அவர் முதல் பந்தில் ஒரு சிக்ஸரை அடித்து, அதை தொடர்ந்து பவுண்டரி அடித்து அணியை வெற்றிக்கு அழைத்துச் சென்றார்.

ஆர்சிபி கேப்டன் ஃபாஃப் டு பிளெசிஸ், கேகேஆருக்கு எதிராக கார்த்திக்கின் வீரதீரம் கண்டு நெகிழ்ந்தார். போட்டிக்கு பிந்தைய நிகழ்ச்சியில் பேசிய டுபிளெசிஸ் விக்கெட் கீப்பர்-பேட்டர் தோனிக்கு நெருக்கமான குணாதிசயத்தின் அடிப்படையில் தினேஷ் கார்த்திக்கின் அமைதியான இருப்பை பாராட்டினார்.

“ஒரு இலட்சிய உலகில், நாங்கள் மிகவும் உறுதியான முறையில் வெற்றி பெற விரும்புவோம், ஆனால் வெற்றி வெற்றிதான். தினேஷ் கார்த்திக் அனுபவம் இறுதியில் உதவியது, அவரது கூலான இன்னிங்ஸினால் வெற்றி, வெகு தொலைவில் இல்லை. ஐஸ் கூலாக இருப்பதில் தினேஷ் கார்த்திக், எம்.எஸ் தோனிக்கு மிக நெருக்கமாக இருக்கிறார்.

வெற்றி மகிழ்ச்சிதான், சிறிய இலக்கை நெருக்கமாகச் சென்று விரட்டுவது தொடரின் ஆரம்பத்தில் நல்லதுதான். சிறிய ஸ்கோர் என்று நாங்கள் கொஞ்சம் பாசிட்டிவ் ஆக ஆட முடியும். ஆனால் கொல்கத்தா பவுலிங் அற்புதம்.

“பந்து முன்னதாக சற்று ஸ்விங் ஆனது ஆனால் இன்று சீம் மற்றும் பவுன்ஸ் இருந்தது. இரண்டு மூன்று நாட்களுக்கு முன்பு, அது 200 ஆக இருந்தது, இன்று அது 130 ஆக இருந்தது. நாங்கள் இன்னும் உறுதியாக இருக்க விரும்புகிறோம். எல்லாம் ஓர் அனுபவம்தான். ரன்கள் ஒரு பிரச்சனையும் இல்லை. கையில் விக்கெட்டுகள் மட்டுமே இருக்க வேண்டும்.

நான் உதவிக்காக மற்றவர்களை நம்பியிருக்கிறேன். முகாமில் பெரிய ஆட்கள் இருக்கிறார்கள். குழுவில் நல்ல தொடர்பு உள்ளது. வீரர்கள், உதவி பணியாளர்கள் ஆதரவாக இருக்கின்றனர். . அவர்கள் யோசனைகளுடன் என்னிடம் வருகிறார்கள், ”

இவ்வாறு கூறினார் டுபிளெசிஸ்.