1648587531 pic

சன் ரைசர்ஸ் ஹைதராபாத் 2016ஆம் ஆண்டில், டேவிட் வார்னர் தலைமையில் கோப்பை வென்ற பிறகு வலிமை மிக்க அணியாக மாறியது.அடுத்து 2018ஆம் ஆண்டிலும் கோப்பை வெல்ல அருமையாக வாய்ப்பு கிடைத்தது. இருப்பினும், இறுதிப் போட்டியில் சென்னை சூப்பர் கிங்ஸ் அணியிடம் தோற்று, கோப்பையை இழந்தது. அதற்கடுத்த சீசனில் சன் ரைசர்ஸ் கேப்டன் டேவிட் வார்னர் அதிரடியாக விளையாடி ஆரஞ்சு தொப்பியை வென்றார். இருப்பினும், மற்றவர்கள் பெரிய தாக்கத்தை ஏற்படுத்தவில்லை. இதனால், பிளே ஆஃப் சென்றும் இறுதிப் போட்டிக்கு முன்னேறவில்லை. தொடர்ந்து 2020ஆம் ஆண்டிலும் இதேநிலைதான்.

திடீர் பின்னடைவு:

இப்படி தொடர்ந்து பிளே ஆஃப் சுற்றுக்கு முன்னேறி வந்த சன் ரைசர்ஸ் அணி திடீரென்று, 2021ஆம் ஆண்டில் டம்மி அணியாக மாறியது. ஒரு போட்டியில் வெற்றிபெற்றாலே, அது பெரிய விஷயமாக பார்க்கப்பட்டது. இதனால், தொடர்ந்து சிறப்பாக செயல்பட்டு வந்த கேப்டன் டேவிட் வார்னர் மீது அணி நிர்வாகம் அதிருப்தியில் இருந்தது.

மோதல்:

ஒரு கட்டத்தில் கேப்டன் பதவியிலிருந்தும் நீக்கினார்கள். அடுத்து கேன் வில்லியம்சன் வந்தார். இவரது தலைமையிலும் அணி அதேபோல் மட்டமாகத்தான் செயல்பட்டது. இந்நிலையில், ஒரு கட்டத்தில் டேவிட் வார்னர் அணியிலிருந்தே நீக்கப்பட்டார். அதனைத் தொடர்ந்து களத்திற்கும் வராமல் இருந்தது, சன் ரைசர்ஸ் ரசிகர்களிடேயே குழப்பத்தை ஏற்படுத்தியது. ஒருவேளை நிர்வாகத்திற்கும், வார்னருக்கும் மோதல் ஏற்பட்டிருக்குமோ என்ற சந்தேகம் எழுந்தது.

இதனை உறுதிப்படுத்தும் வகையில் வார்னர், பார்வையாளராக மட்டும் வந்து, பார்வையாளர் மடத்தில் அமர்ந்து அணியை உற்சாகப்படுத்தினார். இதன்மூலம், வார்னர் அடுத்த சீசனில் வேறு அணிக்கு செல்வது உறுதியானது. அதேபோல் டெல்லிக்கு சென்றுவிட்டார். தற்போது, வில்லியம்சன்தான் கேப்டனாக இருக்கிறார்.

மாற்று கேப்டன்:

இந்நிலையில், வில்லிம்சன் தலைமையில் இந்த வருடமும் சொதப்பும் பட்சத்தில் பார்மில் இருக்கும் அதிரடி வீரர் நிகோலஸ் பூரனை அவர்கள் கேப்டனாக நியமிக்க அதிக வாய்ப்புள்ளதாக தகவல் வெளியாகியுள்ளது. இதனால், வில்லியம்சன் முதல் போட்டி முதலே, தனது திறமையை நிரூபிக்க வேண்டிய கட்டாயத்தில் இருக்கிறார்.

இதனால் இன்று, ராஜஸ்தான் ராயல்ஸுக்கு எதிராக தான் யார் என்பதை காட்ட வேண்டிய நிர்ப்பந்தத்தில் வில்லியம்சன் இருக்கிறார். இதனால், இன்றைய போட்டி மிகுந்த எதிர்பார்ப்பை ஏற்படுத்தியுள்ளது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.